தேர்தல் கமிஷனை கைக்குள் போட்டுக்கொண்டு அனைத்து தேர்தல்களில் பாஜக வெற்றி பெற்றுவருகிறது என்பதை ஆதாரபூர்வமாக எதிர்க்கட்சித் தலைவர் ராகுல்காந்தி அம்பலப்படுத்திவருகிறார். ஆனால், இந்த குற்றச்சாட்டுகளை கொஞ்சமும் கண்டுகொள்ளாமல் தேர்தல் கமிஷன் பல்லிளித்துக்கொண்டு இருக்கிறது. மோடியும் இது குறித்துப் பேசுவதே இல்லை.
மற்ற மாநிலங்களைக் கைப்பற்றியது போலவே தமிழகத்தையும் கைப்பற்ற மோடி முடிவு செய்துவிட்டார். அதனால் அவசரம் அவசரமாக எஸ்.ஐ.ஆர். நுழைக்கப்பட்டுள்ளது. எஸ்.ஐ.ஆர் சிறப்பு தீவிர வாக்காளர் சீராய்வு ஏற்கனவே பிகாரில் நடத்தப்பட்டு உச்சநீதிமன்றத்தில் வழக்கு வந்த பின்னரும், 65 லட்சம் வாக்காளர்கள் பெயர் நீக்கப்பட்டது போலவே தமிழகத்திலும் நடக்கும் சூழல் உருவாகியுள்ளது.
அதோடு தேர்தல் ஆணையத்தால் ஊழியர்களுக்கு எஸ்.ஐ.ஆர் பயிற்சி சரிவர கொடுக்கப்படவில்லை. கம்ப்யூட்டர் பயன்படுத்த தெரிந்தவர்கள் மட்டுமே 2002ல் தங்களுடைய வாக்கு எங்கே இருக்கிறது என்று கண்டறிந்து, அந்த படிவத்தை பூர்த்தி செய்ய முடியும். அதோடு தேர்தல் பணியாளர்களுக்கே எக்கச்சக்க குழப்பம் இருக்கிறது. எனவே, கூடுதல் அவகாசம் வேண்டும் என்று நீதிமன்றம் போயிருக்கிறார் ஸ்டாலின்.
இதனால் தங்கள் கட்சிக்கும் ஆபத்துவரும் என்பதை புரிந்துகொள்ளாமல் எடப்பாடி பழனிசாமி ஆதரவு கொடுப்பது அவரது கட்சிக்குள்ளே விமர்சனத்தை உருவாக்கியிருக்கிறது. சீமானும், விஜய்யும் கடுமையாக எதிர்க்கிறார்கள். ஆனாலும், தேர்தலை சமாளிக்க எஸ்.ஐ.ஆர். பூதத்துடன் வந்துவிட்டார் மோடி.
