தேர்தல் நேரங்களில் எல்லாம் டாக்டர் ராமதாஸ் ரொம்பவே உக்கிரமாக மாறிவிடுவார். சாதிவாரி கணக்கெடுப்பு நடத்த வேண்டும் என்று நெருக்கடி கொடுப்பார்.
ராமதாஸ் இப்போது பா.ஜ.க. கூட்டணியில் பங்கு வகிக்கிறார். மத்திய பா.ஜ.க. அரசு சாதிவாரி கணக்கெடுப்பு நடத்துவதற்கு எதிர்ப்பு நிலையில் இருக்கிறது. ஆனால், இதைப் பற்றி டாக்டர் ராமதாஸ் குரல் கொடுப்பதில்லை. மத்திய அரசு எடுத்தாலும் எடுக்காவிட்டாலும் மாநில அரசு எடுக்கலாம் என்கிறார்.
இந்த பஞ்சாயத்தை முடிவுக்குக் கொண்டுவருவதற்காக சமீபத்தில், ’சாதிவாரி கணக்கெடுப்பை மத்திய அரசு நடத்த வலியுறுத்தி சட்டசபையில் தமிழ்நாடு முதல்வர் மு.க.ஸ்டாலின் கொண்டு வந்த தனித் தீர்மானம் கொண்டுவந்தார். இந்திய மக்கள் அனைவருக்கும் கல்வி, பொருளாதாரம், வேலைவாய்ப்பு ஆகியவற்றில் சம உரிமை மற்றும் வாய்ப்பு கிடைப்பதை உறுதி செய்யும் வகையில் திட்டங்களைத் தீட்டி, சட்டங்கள் இயற்ற வழிவகை செய்ய சாதிவாரி மக்கள் தொகை கணக்கெடுப்பு அவசியம் என்று கோரிக்கை வைத்துள்ளது.
மத்திய அரசு எடுக்கும் புள்ளிவிபரத்தை மட்டுமே நீதிமன்றங்கள் ஏற்றுக்கொள்ளும், மாநில அரசு எடுப்பதை ஏற்காது என்று தி.மு.க. சொல்வதை டாக்டர் ராமதாஸ் ஏற்றுக்கொள்வதாக இல்லை. மாநில அரசு நடத்த வேண்டும் என்று தொடர்ந்து அழுத்தம் கொடுக்கிறது.
அதாவது ஸ்டாலின் சாதிவாரி கணக்கெடுப்பு நடத்த மாட்டார் என்பது உறுதியாகத் தெரியும் என்பதால், வன்னியர்களுக்கு எதிராக தி.மு.க. சதி செய்கிறது என்பதை காட்டுவதற்காக தொடர்ந்து இப்படி பேசிவருகிறார்.
சாதி அரசியல் மூலம் எப்படியாவது ஆட்சிக்கு வந்துவிடலாம் என்று ராமதாஸ் நினைத்தால் அது பகல் கனவு தான். முதலில் மோடியிடம் மந்திரி பதவி கேட்காமல், சாதிவாரி கணக்கெடுப்புக்குக் கோரிக்கை வையுங்கள் ராமதாஸ். அது தான் உங்களுக்கு சரியான தீர்வு தரும்.
