மோடி அரசு கடந்த 10 ஆண்டுகளில் ஏகப்பட்ட பாலங்கள், ஏர்போர்ட், அலுவலகங்கள், அண்டர்கிரவுண்ட் சப் வே கட்டி திறப்பு விழா நடத்தியிருக்கிறது. புதிதாகக் கட்டிய அத்தனை கட்டிடங்களும் மட்டரகமாக இருப்பதால், ஒரு மழைக்குக் கூட தாங்காமல் உடைந்து வழிகின்றன. ஒவ்வொரு கட்டுமானத்திலும் கமிஷன் புகுந்து விளையாடியிருப்பது தெரியவந்துள்ளது.
இதற்கெல்லாம் உச்சபட்டமாக, தேர்தல் சாதனையாக ஒவ்வொரு கூட்டத்திலும் மோடி பேசிய ராமர் கோயிலும் மட்டமாக கட்டப்பட்டிருக்கிறது என்பது தான் அதிர்ச்சிகரமான வேதனை. தேர்தலுக்குள் ராமர் கோயிலைத் திறக்க வேண்டும் என்பதற்காகவே அவசரம் அவசரமாக கட்டுமானத்தை முடித்த காரணத்தாலே மழைக்குத் தாங்காமல் ஒழுகுகிறது என்று சப்பைக்கட்டு காரணம் சொல்கிறார்கள்.
ராமர் கோயில் விஷயம் எதிர்பார்த்த அளவுக்கு மோடிக்கு தேர்தலில் வெற்றி தரவில்லை, அதனாலே ராமர் கோயில் விஷயத்தில் அலட்சியம் காட்டுவதாகச் சொல்கிறார்கள். ஒரு ராமர் கோயிலைக் கூட உருப்படியாக கட்ட முடியாத பிரதமர் நரேந்ந்திர மோடியால் எப்படி அகில இந்தியாவையும் கட்டி எழுப்ப முடியும்? பாலங்கள், ஏர்போர்ட், ராமர் கோயில் ஆகியவற்றில் விழுந்துள்ள விரிசல் பற்றியோ, அதற்கு காரணமானவர்கள் மீது நடவடிக்கை எடுப்பது குறித்தோ மோடி எந்த விளக்கமும் வெளியிடவில்லை.
கேட்டால், ராமருக்கு மழை நீர் அபிஷேகம் செய்ய வேண்டும் என்பதற்காகவே டிசைன் செய்யப்பட்டது என்று கதை அளந்தாலும் அளப்பார்கள். அதையும் பா.ஜ.க.வினர் நம்புவார்கள். மோடி மீதிருந்த அத்தனை நம்பிக்கையையும் ராமர் கோயில் அடித்து உடைத்துவிட்டது என்பதே உண்மை.
