கருத்துக்கணிப்புகள் எல்லாமே பொய் என்பது பீகார் தேர்தலில் அப்பட்டமாகத்
தெரியவந்துள்ளது. யாருமே சொல்லாத வகையில் பாஜக கூட்டணி 208 தொகுதிகளில் அபார வெற்றி
பெற்றுள்ளது. இந்த வெற்றிக்கு உண்மையான காரணம் தலைமை தேர்தல் கமிஷன் ஆணையரா அல்லது
10 ஆயிரம் ரூபாய் வாங்கிய பெண்களா என்று பட்டிமன்றமே நடக்கிறது.
முழுமையான தோல்விக்குப் பிறகு பேசிய ராகுல்காந்தி, ‘பீகாரில் இந்த
முடிவு உண்மையிலேயே அதிர்ச்சியளிக்கிறது. தொடக்கத்திலிருந்தே நியாயமற்ற தேர்தலில் நாம்
வெற்றி பெறத் தவறிவிட்டோம். அரசியலமைப்புச் சட்டத்தையும் ஜனநாயகத்தையும் பாதுகாப்பதற்கான
இந்தப் போராட்டம் தொடரும். காங்கிரஸ் கட்சியும் இந்திய கூட்டணியும் இந்த முடிவை ஆழமாக
மதிப்பாய்வு செய்து ஜனநாயகத்தைப் பாதுகாப்பதற்கான தங்கள் முயற்சிகளைத் தீவிரப்படுத்தும்’’
என்று தெரிவித்துள்ளார்.
இந்நிலையில் தேஜஸ்வி கட்சியினர், ‘’இந்த வரலாறு காணாத வெற்றியை
சாத்தியமாக்கிய தலைமைத் தேர்தல் ஆணையர் ஞானயேஷ்வர் குமார் அவர்களுக்கும், அவரோடு தோளோடு
தோள் நின்று பாஜக அணிக்கு 208 தொகுதிகளில் வெற்றி வாய்ப்பை வழங்க அரும்பாடு பட்ட தேர்தல்
ஆணையர்கள் சுக்பீர் சிங் சந்து அவர்களுக்கும் விவேக் ஜோஷி அவர்களுக்கும் கோடான கோடி
இந்தியர்கள் சார்பாக நன்றி.
ஏனென்றால் இறுதி வாக்காளர் பட்டியல் வெளியிட்டபோது வாக்களர் எண்ணிக்கை
7,41,92,357 என்று அறிவிக்கப்பட்டு இருதது. ஆனால், தேர்தல் முடிந்ததும் வாக்காளர் எண்ணிக்கை
7,45,26,858 என்று மாறியிருக்கிறது. திடீரென 3 லட்சம் பேர் எப்படி முளைத்தார்கள்?’’
என்று கடுமையாக விமர்சனம் செய்துவருகிறார்கள்.
வாக்காளர் பட்டியல் வெளியிட்ட நேரத்தில் இதனை எதிர்த்து போராடியிருந்தால்
இப்படி ஒரு நிலைமை வந்திருக்கிறது. இனிமேல், என்ன பேசி என்ன செய்வது என்று மகா கூட்டணியினர்
புலம்பித் தள்ளுகிறார்கள்.
