கடந்த நாடாளுமன்றத் தேர்தலில் வாக்குத் திருட்டு மூலமே பாஜக வெற்றி பெற்றது என்று ஏராளமான ஆதாரங்களை ராகுல் காந்தி தொடர்ந்து வெளியிட்டு வருகிறார். ஓட்டு முறைகேடு மூலமே மத்திய பிரதேசம், சத்தீஸ்கர், ஹரியானா மற்றும் குஜராத்தில் பாஜக வெற்றி பெற்றது.
அதனால் மோடியை வாக்குத் திருடர் என்று ராகுல் அழைத்துவருகிறார். மற்ற மாநிலங்களில் ஜெயித்த அதே பாணியில் பீகாரிலும் வாக்குத் திருட்டு நடந்திருப்பதாக இப்போது குற்றச்சாட்டு எழுந்துள்ளது. ஏனென்றால் பீகார் மாநில வரலாற்றில் இல்லாத அளவிற்கு 2025 சட்டமன்றத் தேர்தலில் மொத்தம் 66.91% வாக்குகள் பதிவாகியுள்ளன.
இதையடுத்து 2020 தேர்தலை ஒப்பிடும்போது இந்த முறை 72 லட்சம் வாக்காளர்கள் கூடுதலாக தங்கள் வாக்கை பதிவு செய்துள்ளனர். இந்த வாக்காளர்கள் எல்லாமே பாஜகவின் வெற்றிக்காக உருவாக்கப்பட்டவர்கள். அதேநேரம், இண்டியா கூட்டணியின் வாக்காளர்கள் திட்டமிட்டு நீக்கப்பட்டுள்ளதாக புகார் எழுந்துள்ளன. இதே பாணியில் அடுத்து தமிழகம் நோக்கி வந்துவிட்டது மோடியின் எஸ்.ஐ.ஆர். திருத்தம்.
கள்ள ஓட்டை தடுக்கப்போவதாகச் சொல்லிவிட்டு, தேர்தல் கமிஷனை கைக்குள் போட்டுக்கொண்டு முறைகேடு மூலம் ஆட்சியைப் பிடிப்பதுதான் பாஜக ஸ்டைல். தமிழ்நாட்டின் மோடியின் கள்ள ஆட்டம் ஜெயிக்க வாய்ப்பிருக்கிறதா என்பதைப் பார்க்கலாம்.
