மெட்ரோ போராட்டத்துக்கு திமுக ரெடி…. மோடி வாயைத் திறக்கவே இல்லையே

கோயம்புத்தூர் மற்றும் மதுரை நகரங்களுக்கான மெட்ரோ ரயில் திட்ட
முன்மொழிவுகளை மத்திய அரசு திருப்பி அனுப்பிய விவகாரம் படு சர்ச்சையாக மாறியிருக்கிறது.
தமிழகத்தைப் புறக்கணிப்பு செய்த பாஜகவுக்கு எதிராக திமுக போராட்டம் அறிவித்திருக்கும்
நிலையில், திட்டமிட்டு பொய்யாக அறிக்கை கொடுத்ததாக குற்றச்சாட்டு எழுந்துள்ளது.

இந்நிலையில் நேற்று கோவைக்கு வந்த பிரதமர் மோடி மெட்ரோ ரயில் கோவைக்குக்
கொண்டுவருவதாக அறிவிப்பார் என்று எதிர்பார்க்கப்பட்டது. ஆனால், அவர் வாயைத் திறக்கவே
இல்லை. 

இதுகுறித்து பாஜகவினர், ‘’மதுரை, கோயம்புத்தூர் மேட்ரோவுக்கான
விரிவான திட்ட அறிக்கை எனப்படும் டிபிஆர் மத்திய அரசுக்கு மிகவும் தாமதமாக அனுப்பப்பட்டது.
 அதே நேரத்தில் கான்பூர், ஆக்ரா, பட்டணா, மீரட்
போன்ற நகரங்கள் பல வருடங்களுக்கு முன்பே சமர்ப்பித்துவிட்டன.

மெட்ரோவுக்கு: எங்கு நிலம் வேண்டும் எவ்வளவு செலவு வரும் யாருக்கு
எவ்வளவு இழப்பீடு போன்ற விபரங்கள் தரப்படவில்லை. அதேபோல் மாநில அரசின் நிதி பங்கு
(50%) உறுதி செய்யப்படவில்லை.  ரிடர்‌ஷிப்,
செலவு கணக்குகளில் மத்திய அரசு கேட்ட திருத்தங்களுக்கு தாமதம் மத்திய அரசு கேட்ட: பயணிகள்
கணக்கு திருத்தம் செலவு–லாப மதிப்பீடு பாதை மாற்றம் டெக்னிக்கல் விளக்கங்கள் திட்டமிட்டு
குளறுபடியாக அனுப்பப்பட்ட காரணத்தால் அனுமதி கொடுக்கவில்லை.

அதேநேரம், மெட்ரோவை மத்திய அரசு தள்ளுபடி செய்யவில்லை. சரியான
தகவல்கள் கொடுத்தால் அனுமதி கிடைக்கும் என்பதாலே இது குறித்து மோடி பேசவில்லை’’ என்கிறார்கள்.

அதேநேரம் திமுகவினர், ‘’கூடுதல் ஆவணம் வேண்டுமென்றால் ஆவணம் கேட்க
வேண்டியதுதானே… ஏன் பஸ் பயன்படுத்திக் கொள்ளுங்கள் என்று ஆலோசனை வழங்கி உள்ளீர்கள்.
மெட்ரோ சாந்த விஷயத்தில் அனுமதி கேட்டால் பஸ் பயன்படுத்திக் கொள்ளுங்கள் என்பதுதான்
உங்கள் கூடுதல் ஆவணமா?

போன வருடம் அனுப்பப்பட்ட உங்கள் வாதப்படி ஆவணம் இல்லாத இந்த அறிக்கையை
பரிசோதனை செய்து பதில் அனுப்ப கிட்டத்தட்ட ஒரு வருடம் உங்களுக்கு தேவைப்படுகிறதா? வளர்ச்சி
திட்டங்கள் 2011 பழைய மக்கள் தொகை அடிப்படையில் கணக்கிடப்பட வேண்டுமா அல்லது வருங்காலத்தில்
(அது கூட வேண்டாம்) தற்போது இருக்கக்கூடிய மக்கள் தொகை அடிப்படையில் கணக்கிடப்பட வேண்டுமா?
4. பிற மாநிலங்களில் சுற்றுலாப் பயணிகள் அதிகம் வருகிறார்கள். அதனால் அந்த கணக்கு என்று
சொல்கிறீர்கள். மதுரை மீனாட்சி அம்மன் கோவிலுக்கு சுற்றுலாப் பயணிகள் வரவில்லையா? வந்தாலும்
அவர்கள் மெட்ரோவை பயன்படுத்த மாட்டார்கள் என்ற முன் முடிவுக்கு எப்படி வந்தீர்கள்?
தமிழ்நாட்டுக்கு செய்ய மனமில்லை என்று ஒரு வார்த்தையில் சொல்லி விட்டுச் செல்லுங்கள்…’’
என்று போராட்டம் நடத்த இறங்கியுள்ளனர்.

மல்லுக்கட்டிக்கொண்டே இருந்தால் எப்படிங்க வளர்ச்சித்திட்டம் வரும்? மோடிக்கு உண்மையிலே தமிழர்கள் மீது அக்கறை இருக்கிறதா என்ன..?