அமைச்சர் என்றால் எக்கச்சக்க வேலைப்பளு இருக்கும், அரசியல் தவிர்த்து
வேறு எதிலும் கவனம் செலுத்த முடியாது என்று சொல்லப்படும் நிலையில், முனைவர் பட்டம்
பெற்றுள்ள அமைச்சர் அன்பில் மகேஸ்க்கு பாராட்டுகள் குவிந்துவருகின்றன. முனைவர் பட்டம்
வாங்குவது இத்தனை எளிதா..? யார் உங்களுக்கு உதவியது என்று கேள்வி எழுப்பிவருகிறார்கள்.
கல்வித்துறை சார்பில் வெளியிட்டுள்ள அறிவிப்பில், “Physical
Activity for Skill Development Through Machine Learning” என்ற தலைப்பில் முனைவர்
பட்ட ஆய்வினை மேற்கொண்டு, அதன் வாய்மொழித் தேர்வில் ஆய்வு முடிவுகளை வெளியிட்டு “முனைவர்”
பட்டம் பெற்றுள்ள பள்ளிக் கல்வித் துறை அமைச்சருக்கு வாழ்த்துகள்’’ தெரிவிக்கப்பட்டுள்ளது.
முதல்வர் தொடங்கி அத்தனை அமைச்சர்களும், முக்கியப் புள்ளிகளும்
பாராட்டு தெரிவித்துவருகிறார்கள். இவர்களுக்கு எல்லாம் நன்றி தெரிவித்திருக்கும் அன்பில்மகேஸ்,
“உயர்கல்வி,
ஆராய்ச்சிக் கல்வி என்று தொடர்ந்து படியுங்கள். கற்றலுக்கு முடிவே கிடையாது” என
எங்கள் திராவிடத் தலைமையாசிரியர் மு.க.ஸ்டாலின்ள் கூறிய அறிவுரை எனக்கும் பொருந்தும்!
அதன்படி, திருச்சிராப்பள்ளி தேசியக் கல்லூரியின் உடற்கல்வியியல்
துறையில் 2021-ஆம் ஆண்டு முதல் “Physical Activity for Skill Development
Through Machine Learning” என்ற தலைப்பில் முனைவர் பட்ட ஆய்வினை மேற்கொண்டு வந்தேன்.
அதன் வாய்மொழித் தேர்வு இன்று நடைபெற்றது. அதில் எனது ஆய்வு முடிவுகளை வெளியிட்டு
“முனைவர்” பட்டம் பெற்றுள்ளேன் என்பதைப் பெரு மகிழ்வோடு தெரிவித்துக்கொள்கிறேன்…’’
என்று தெரிவித்திருக்கிறார்.
இதையும் நடிப்பு, நாடகம் என்று எதிர்க்கட்சியினர் கிண்டல் செய்துவருகிறார்கள்.
அமைச்சராக இருக்கும்போது தனது அதிகாரத்தைப் பயன்படுத்தி இப்படி ஒரு வேலையை செய்திருக்கிறார்
என்கிறார்கள். அன்பில் மகேஸ்க்கு இத்தனை அறிவு இருக்கிறது என்றால் எதிர்க்கட்சியாக
இருக்கும்போது இந்த வேலையை செய்து காட்டியிருக்க வேண்டும் என்கிறார்கள்.
