பீகார் தேர்தலை வெற்றிகரமாக ஜெயித்திருக்கும் மோடி அடுத்தகட்டமாக
தமிழகத்தைத் தேர்வு செய்திருக்கிறார். முதல் கட்டமாக விவசாயிகளை கவர் செய்வதற்கு இன்று
சிறப்பு நிகழ்ச்சி ஏற்பாடு செய்யப்பட்டுள்ளது.
இன்று மதியம் கோவைக்கு வரும் பிரதமர் மோடி கொடிசியா அரங்கில் தென்னிந்திய
இயற்கை வேளாண் மாநாட்டை பிரதமர் மோடி தொடங்கி வைக்கிறார். அப்போது 9 கோடி விவசாயிகளுக்கு
பயனளிக்கும், பிரதமரின் விவசாயிகள் கௌரவிப்பு நிதி திட்டத்தின் 21-வது தவணையாக ரூ.18,000
கோடியை விடுவிக்கிறார்.
இந்த மாநாட்டில் தமிழ்நாடு, புதுச்சேரி, கேரளா, தெலங்கானா, கர்நாடகா
மற்றும் ஆந்திர பிரதேச மாநிலங்களைச் சேர்ந்த விவசாயிகள், விவசாய தொழில் முனைவோர், விஞ்ஞானிகள்,
தன்னார்வலர்கள் கலந்து கொள்ளவுள்ளனர்.
பிரதமரை வரவேற்க கோவை செல்லும் எடப்பாடி பழனிசாமியும் தென்னிந்திய
இயற்கை வேளாண் மாநாட்டில் கலந்து கொள்ள வாய்ப்பு இருப்பதாகவும், இதையொட்டி பிரதமரை
தனியே சந்தித்து கூட்டணி குறித்து பேசுவார் எனவும் சொல்லப்படுகிறது.
முதல் கட்டமாக தனியே பிரிந்துநிற்கும் டிடிவி தினகரன், ஓ.பன்னீர்செல்வம்,
செங்கோட்டையன், சசிகலா ஆகியோர் குறித்து பேசப்படுவதற்கு வாய்ப்பு உண்டு என்கிறார்கள்.
பாஜக கூட்டணியில் இவர்கள் இருப்பதில் தனக்கு எந்த ஆட்சேபனையும் இல்லை என்பதையே மீண்டும்
எடப்பாடி வலியுறுத்துவார் என்கிறார்கள்.
அதேநேரம், பாமக இரு அணிகள் மற்றும் தேமுதிக குறித்தும் அதிமுகவின்
நிலைப்பாட்டை எடப்பாடி தெரிவித்தபிறகு, இணைப்பு சூடுபிடிக்கும் என்கிறார்கள். வரும்
ஜனவரியில் இருந்தே தேர்தல் வேலையை தொடங்கிவிட வேண்டுமென இரண்டு கட்சியினரும் முடிவு
எடுத்திருக்கிறார்களாம்.
இந்த நேரத்தில் கோவை, மதுரைக்கு மெட்ரோ ரயில் இல்லை என்ற அறிவிப்பு
மோடியின் வருகைக்கு பின்னடைவு ஏற்பட வாய்ப்பு இருப்பதால், இதுகுறித்து பிரதமர் மேடையிலே
அறிவிக்கலாம் என்கிறார்கள்.
இந்த நிலையில் பிரதமர் மோடி தமிழகம் வரும் நேரத்தில் எல்லாம் திமுகவினர்
கோ பேட் டிரெண்ட் கிளப்புவது வழக்கம். இதுகுறித்து இன்னமும் மேலிடத்தில் இருந்து எந்த
சமிக்சையும் கிடைக்கவில்லை என்பதால் கோ பேக் மோடியா அல்லது வெல்கம் மோடியா என்று புரியாமல்
தவிக்கிறார்கள்.
