மக்கள் ஆதரவு பெற்று தேர்தலில் வெற்றி பெறும் நடைமுறையை இத்தனை ஆண்டுகளாக மக்கள் பார்த்திருக்கிறார்கள். ஆனால், முதன்முறையாக தேர்தல் கமிஷனுடன் கூட்டு வைத்து ஒரு கட்சி மாபெரும் வெற்றி அடைந்திருப்பதை பீகார் தேர்தல் வெற்றி உணர்த்தியிருக்கிறது.
பெண்களின் வாக்குகளை 10 ஆயிரம் ரூபாய் விலை கொடுத்து வாங்கி இருக்கிறார்கள். கடந்த 28 நாட்கள்ல 12,500 கோடியை பட்டுவாடா செய்துள்ளார்கள். அதோடு தேர்தல் ஆணையத்தின் அமைப்பை தங்களுக்கு சாதகமாக மாற்றிக் கொள்வதிலும் பாஜக வெற்றி அடைந்திருக்கிறது.
ஊடகங்களின் வாயைக் கட்டுவது, சிபிஐ, அமலாக்கத்துற போன்ற விசாரணை அமைப்புகளை எதிர்க்கட்சிகளை மிரட்டும் ஆயுதமாக மாற்றுவது மதவாத உணர்வுகளை அரசியல் லாபமாக மாற்றுவது, குறைந்த கல்வி, அதிக ஏழ்மை, ஜாதி–மத பிரிவினை ஆகியவற்றின் மூலமே பாஜக வெற்றி அடைகிறது.
இதனை எதிர்த்து நிற்பதற்கு சரியான எதிர்க் கட்சிகள் இல்லை என்பதே உண்மை. பீகார் தேர்தல் என்பது இந்திய ஜனநாயகத்தின் இறுதி எச்சரிக்கை. எதிர்க்கட்சிகள் இன்னும் விழிக்காவிட்டால் பாஜக, தேர்தல் ஆணையம் முதல் அனைத்து ஜனநாயகத் தூண்களையும் தங்கள் வசப்படுத்திக் கொண்டுவிடுவார்கள். அதன்பிறகு பாஜகவை எந்தக் கொம்பாலும் நகர்த்த முடியாது.
முழு நாடும் இப்போதிலிருந்து ஜனநாயக விரோத சூழ்நிலையை எதிர்க்கவில்லை என்றால் ஜனநாயகம் என்ன விலை என்று கேட்கும் நிலை உருவாகிவிடும்.
