முதல்வர் முக ஸ்டாலினை பாராட்டுவதற்காக அவ்வப்போது திமுகவினர்
விழா நடத்தி ஜால்ரா போடுவார்கள். அந்த வழியில் உதயநிதிக்கும் ஜால்ரா மேடையை தொடங்கிவிட்டார்கள்.
அமைச்சர்களின் ஜால்ரா காது கிழிகிறது.
திமுக அறிவுத் திருவிழாவில் முதல்வர் மு.க.ஸ்டாலின், “ இந்த அறிவுத்
திருவிழா நிகழ்ச்சிக்காக கடந்த ஒருமாத காலமாக மும்முரமாக ஈடுபட்ட துணை முதல்வர் உதயநிதிக்கு
பாராட்டுக்கள். நான் நினைத்ததைவிடச் சிறப்பாகவே ஏற்பாடு செய்திருக்கிறார். உதயநிதியின்
செயல்பாடுகளைப் பார்க்கும்போது, “மகன்தந்தைக்கு ஆற்றும் உதவி இவன்தந்தை என்நோற்றான்
கொல் எனும் சொல்” என்ற குறளுக்கேற்ப அவர் செயல்படுகிறார் என்பதை பெருமையுடன் சொல்வேன்.
அந்த பெருமையோடு அவருக்கு ஒரு வேண்டுகோள் வைக்க விரும்புகிறேன்.
ஏன்? இது என் அன்புக் கட்டளை என்று கூட சொல்லலாம். இந்த அறிவு திருவிழாவை நீங்கள் இத்தோடு
நிறுத்தாமல் தொடர்ந்து ஆண்டு தோறும் நடத்திட வேண்டும் என்று கேட்டுக் கொள்கிறேன்’’
என்றார்.
இதையடுத்து பேசிய துரைமுருகன், “ராஜராஜ சோழனுக்கு காந்தளூர்ச்
சாலை வரையிலே ஆட்சி இருந்தது. ஆனால், அவருடைய மகன் ராஜேந்திரன் இப்போதுள்ள தாய்லாந்து
வரையில் ஆட்சியை நிறுவிக் காட்டியவன். ஒருநாள் உதயநிதி ராஜேந்திர சோழன் போல வாழ்வான்
என்பதை எழுதி வைத்துக்கொள்ளுங்கள். இது என்னுடைய அரசியல் கணக்கு!” என்று மிகப்பெரிய
ஜால்ரா போட்டார்.
இதேபோல் ஒவ்வொரு அமைச்சர்களும் உதயநிதியை புகழ்ந்து தள்ளிவிட்டார்கள்.
அதாவது கலையுலகப் பெரியார், உதயநிதி என்று அமைச்சர் எவ.வேலு பாராட்டினார். தன்னுடைய
பங்குக்கு அன்பில் மகேஷ், ‘இவர் உதயநிதி, அல்ல உதவும் நிதி’ என்று பேசி கைதட்டல் வாங்கினார்.
அரசியலில் கலைஞரை மிஞ்சுகிறார், உதயநிதி என்று தங்கம் தென்னரசும்,
உழைப்பில் முதல்வரை மிஞ்சுகிறார் உதயநிதி என்று நேருவும் பேசி உதயநிதிக்கு போன்று இந்த
உலகில் யாருக்கும் அறிவு இல்லை என்பதை உறுதிப்படுத்தியிருக்கிறார்கள்.
இத்தனை பாராட்டுகளையும் சிரித்தபடி ஏற்றுக்கொண்டிருக்கும் உதயநிதிக்கு
உடனே ஒரு நோபல் பரிசு பார்சல் பண்ணுங்கப்பா;…
