கோவாவில் நடைபெற்ற அயர்ன்மேன் 70.3 பந்தயத்தில் தமிழக பாஜகவின்
முன்னாள் தலைவர் அண்ணாமலை கலந்துகொண்டு வெற்றி பெற்றது, அவரது ஆதரவாளர்களிடம் பெரும்
வரவேற்பையும் எதிர்குரூப் ஆட்களிடம் செம விமர்சனத்துக்கும் ஆளாகியுள்ளது.
இந்த போட்டி குறித்து பாரதப்பிரதமர் மோடி, ‘’அயர்ன்மேன் போன்ற நிகழ்வுகளில் நமது இளைஞர்களின் பங்களிப்பு
அதிகரித்து வருவதைக் கண்டு மகிழ்ச்சி அடைகிறேன். இதுபோன்ற நிகழ்வுகள் இயக்கத்திற்கு
பெரும் பங்களிக்கின்றன. கலந்து கொண்ட அனைவருக்கும் வாழ்த்துகள். நமது கட்சியின் இளம்
சகாக்களான அண்ணாமலையும் தேஜஸ்வி சூர்யாவும் அயர்ன்மேன் டிரையத்லானை வெற்றிகரமாக நிறைவு
செய்தவர்களில் இடம்பெற்றிருந்தது மகிழ்ச்சி அளிக்கிறது…’’ என்று பாராட்டியிருந்தார்.
இந்த பாராட்டை அடுத்து அண்ணாமலையை பிரதமர் கொண்டாடிவிட்டார் என்று
அவரது ஆதரவாளர்கள் பாராட்டிவருகிறார்கள். அடுத்து அண்ணாமலைக்கு மிகப்பெரிய பொறுப்பு
கிடைக்கப்போவது உறுதி என்று கூறிவருகிறார்கள்.
ஆனால், அண்ணாமலை எதிர்பாளர்களோ இந்த போட்டியில் அண்ணாமலையின் வெற்றியை
கிண்டல் செய்கிறார்கள். அண்ணாமலை மீது தொடர்ந்து பாய்ந்துவரும் கல்யாணராமன், ’’அண்ணாமலை
என்ற வாய் கூசா பொய்யனின் உண்மை ரேங்க் தெரிந்துகொள்ளுங்கள். அயர்ன்மேன் கோவா போட்டியில்
மொத்தம் 805 பேர் பங்கேற்றனர்.
இப்படி மொத்தம் பங்கேற்றவர்களில் 40-44 வயதுடையோர் 121 பேர். தம்பி
அதில் வந்தது 114 இடம். பின்னாலிருந்து 8வது இடம். மொத்த ஆண்கள் 684 பேர் – தம்பி வந்தது
639வது இடம். 121 பெண்கள் – அதில் 116 பேர் தம்பிக்கும் முன்னால் வேகமாக சென்றனர்.
பின்னால் வந்தது 5 பெண்கள், 45 ஆண்கள்.
ஆண்-பெண் இருவரையும் சேர்த்து மொத்தம் 805 பேர் ஓடியதில் தம்பி
755 ரேங்க். இவ்வளவு குறைவாக காட்டக்கூடாதது என வார் ரூம் அவசர அவசரமாக எண்ணிக்கைகளை
,மாற்றி போடு ஒப்பேற்றுகிறது’ என்று கிண்டல் செய்கிறார்கள்.
போட்டியில் பங்கேற்பதுதான் முக்கியம், வெற்றி, தோல்வி பார்க்கக்கூடாது
என்று இப்போது அண்ணாமலை ஆதரவாளர்கள் பொங்கிவருகிறார்கள்.
