தமிழகத்தை உலுக்கிய ஆம்ஸ்ட்ராங் கொலை வழக்கு விவகாரத்தில் சிபிஐ வேண்டாம் என்று ஸ்டாலின் மீண்டும் மீண்டும் நீதிமன்றத்தில் மோதிக்கொண்டு இருப்பது, அவர் மீதான சந்தேகத்தை மக்களிடம் அதிகரித்துள்ளது.
பகுஜன் சமாஜ் கட்சியின் தமிழ்நாடு மாநிலத் தலைவர் ஆம்ஸ்ட்ராங் கடந்த ஜூலை 5ஆம் தேதி சென்னையில் அவரது வீட்டின் வெளியே நின்று கொண்டிருந்த பொழுது உணவு டெலிவரி செய்வது போல் வந்த எட்டுப் பேர் கொண்ட மார்பகங்கள் அவரை சரமாரியாக வெட்டி படுகொலை செய்தது. இந்தக் கொலை வழக்கில் 27 பேர் கைது செய்யப்பட்டு சிறையில் அடைக்கப்பட்டனர்.
இந்த வழக்கில் அரசியல் கட்சிகளுக்குத் தொடர்பாக இருப்பதாகக் கூறி ஆம்ஸ்ட்ராங் தம்பியும் பொற்கொடியும் சிபிஐ விசாரணை கேட்டு சென்னை உயர்நீதிமன்றத்தில் மனுத் தாக்கல் செய்திருந்தனர். இந்த வழக்கை விசாரித்த உச்ச நீதிமன்றம் சிபிஐக்கு உத்தரவிட்டது.
ஆனால் இதற்குத் தமிழக அரசு எதிர்ப்பு தெரிவித்து இரண்டு முறை மேல்முறையீடு செய்தது சர்ச்சையை ஏற்படுத்தியுள்ளது. இந்த நிலையில் ஆம்ஸ்ட்ராங் கொலை வழக்கில் யாரைக் காப்பாற்றத் தமிழக அரசு முயற்சி செய்கிறது என்று பொதுமக்களே கேள்வி எழுப்பிவருகிறார்கள்.
அந்த வழக்கின் உண்மைகள் வெளிப்படக் கூடாது என்ற நோக்கத்தோடு திமுக அரசு செயல்படுவதாகவே தெரிகிறது. ஏனென்றல் இந்த வழக்கில் மாநில காவல்துறையின் புலனாய்வு சந்தேகத்திற்குரியதாகவே இருந்து வந்தது. குற்றவாளிகளை அடையாளம் காண்பதற்குப் பதிலாக, சிலரை பலிகடாக்களாக மாற்றும் நோக்கத்தோடு விசாரணை நடைபெற்றன. அதேசமயம், கைது செய்யப்பட்ட மூவரும் சந்தேகத்திற்கிடமான சூழ்நிலைகளில் என்கவுண்டரில் சுட்டுக் கொல்லப்பட்டனர்.
மடியில் கனம் இல்லையென்றால் வழியில் பயம் எதற்கு..? யார் விசாரித்தால் என்னவென்று ஸ்டாலின் ஏன் நினைக்கவில்லை என்பதெல்லாம் சந்தேகத்தை அதிகரிக்கவே செய்கிறது. அப்படியென்றால், இந்த வழக்கில் ஏதோ மர்மம் இருக்கிறது என்றே அர்த்தம். ஸ்டாலினுக்கு ஆபத்துதான்.
