News

விஜய் அவசரக் கூட்டம். பனையூரில் விவசாயிகள் சந்திப்பு..?

Follow Us

அதிமுகவை ஒருங்கிணைக்க வேண்டும் என்று குரல் எழுப்பிய செங்கோட்டையனின் கட்சிப் பதவிகள் பறிக்கப்பட்டன. அதன்பிறகு நான் கெடு விதிக்கவில்லை என்று கூறியதால் அவரது உறுப்பினர் அட்டை தப்பியது. இந்நிலையில் தேவர் ஜெயந்தியன்று ஓபிஎஸ்சுடன் பயணம் செய்து பெரும் பரபரப்பை ஏற்படுத்தியிருக்கிறார் செங்கோட்டையன்.

அதிமுக தலைமைக்கு கெடு விதித்த நிலையில் கட்சிக்கு எதிராக தனது நடவடிக்கைகளை கே .ஏ .செங்கோட்டையன் தொடங்கி விட்டாரா என்ற கேள்வி எழுகிறது. மதுரையில் இருந்து பசும்பொன்னுக்கு ஒரே காரில் ஓ. பன்னீர்செல்வத்துடன் புறப்பட்டார் கே.ஏ. செங்கோட்டையன்.

அதிமுக அணிகளை ஒருங்கிணைக்கும் பணிகளையும், பிரிந்தவர்களையும் ஒருங்கிணைக்கிறாரா செங்கோட்டையன். செங்கோட்டையன் முன்னெடுப்பிற்கு ஓ. பன்னீர்செல்வம் இசைவு தெரிவிக்க வாய்ப்புள்ளதா? அதிமுக தலைமைக்கு எதிராக முதல் முறையாக ஓபிஎஸ் உடன் காரில் பசும்பொன் பயணித்துள்ளார் .

தலைமைக்கு எதிராக செயல்படும் செங்கோட்டையன் அதிமுகவிலிருந்து நீக்கப்படுவாரா என்ற கேள்விக்கு இன்று மாலைக்குள் பதில் கிடைத்துவிடும். 

Leave a Reply

Your email address will not be published. Required fields are marked *

Share via
Copy link