கனிமொழியை டெல்லி தாண்டி வேறு எங்கேயும் அரசியல் செய்யவிடாமல்
கார்னர் செய்த ஸ்டாலின் இப்போது, வலிந்து ஆதரவு கொடுப்பது திமுகவினரின் புருவத்தை உயரச்
செய்திருக்கிறது.
இத்தனை ஆண்டுகள் கழித்து இப்போதுதான் அறிவாலாத்தில் கனிமொழிக்கு
தனி அறை ஒதுக்கப்பட்டுள்ளது. அதோடு தென் மாவட்டங்களின் தேர்தல் பொறுப்பும் கொடுக்கப்பட்டுள்ளது.
இதைவிட ஆச்சர்யமாக எங்கெங்கு ஸ்டாலின் செல்வது என்றாலும் கனிமொழியையும் அழைத்துச்செல்வதை
வழக்கமாக வைத்திருக்கிறார்.
இந்த மாற்றங்களைக் கண்டு திமுகவினரே ஆச்சர்யப்படுகிறார்கள். இதற்கு
என்ன காரணம் என்று சீனியர்களிடம் விசாரிக்கையில், ‘’வரும் தேர்தலில் துரைமுருகன், பொன்முடி,
ஐ.பெரியசாமி, கே.கே.எஸ்.எஸ்.ஆர்.ராமச்சந்திரன் போன்ற பல சீனியர்களுக்கு தேர்தலில் சீட்
கொடுக்கப்போவதில்லை என்பது உறுதியாகியுள்ளது.
இப்படி ஒரு நடவடிக்கை எடுக்கும்போது, உதயநிதியின் வேலையாகவே அனைவரும்
பார்ப்பார்கள், எனவே கட்சிக்குள் பிளவு அல்லது உட்கட்சி பூசல் ஏற்படுவதற்கு வாய்ப்பு
உண்டு. இதனை சரிக்கட்டவே கனிமொழியை கட்சியில் எடுக்கிறார்கள். பெரும்பாலான முடிவுகளை
கனிமொழி மூலமே எடுக்க வைப்பார்கள். எனவே, சீனியர்களால் வேறு எங்கேயும் போய் முறையிட
முடியாது, ஆதங்கத்தைத் தெரிவிக்க முடியாது. அதற்கான பகடைக்காயாகவே கனிமொழியைப் பயன்படுத்துகிறார்
ஸ்டாலின்’’ என்கிறார்கள்
கனிமொழி என்ன செய்யப்போகிறார்..?
