தமிழகத்தை தேசிய அரசியலிலிருந்து திராவிட அரசியலுக்குத் திருப்பியவர் பேரறிஞர் அண்ணா. அவர் தொண்டர்களுக்கு, ‘அன்புள்ள தம்பி, மக்களிடம் செல், அவர்களுடன் வாழ், அவர்களிடமிருந்து கற்றுக்கொள், அவர்களை நேசி, அவர்களுக்கு சேவை செய்’ என்று அழைப்பு விடுத்தார்.
இவர்களுக்கு நேர்மாறாக பாதிக்கப்பட்டவர்களை அழைத்துவா, ஆறுதல் சொல்கிறேன் என்று புதிய திட்டத்தை அறிமுகம் செய்திருக்கிறார். இதனை வன்மையாக்க் கண்டிப்பவர்கள், ‘விஜய் ஒரு தலைவன் இல்லை மனிதாபிமானம் கொண்ட மனிதன் கூட இல்லை என்று செவுட்டில் அடித்து தன் ரசிகர்களுக்கு சொல்லி இருக்கிறான். ஆனாலும் ரசிக கூட்டத்துக்கு புரியாது அதை தெளிவாக உணர்ந்தவன் விஜய் அதனால் தான் அவன் இது அனைத்தையும் எந்த மனத்தடையும் இன்றி செய்ய முடிகிறது. உண்மையில் விஜய் தான் பண்ணையார் அவன் வைத்து இருக்கும் ரசிக கூட்டம் தான் அவனின் கொத்தடிமைகள்..’ என்று கொதிக்கிறார்கள்.
அதற்கு விஜய் ரசிகர்கள், ‘விஜய்யின் ஒவ்வொரு செயலுக்கும் முந்தைய வரலாற்றில் மாதிரிப் புத்தகம் கிடையாது. ஏனெனில், அவரே புதுக்கால அரசியலின் BenchMark ஆகிறார். நடந்த துயரத்தில் உயிர் இழந்த குடும்பங்களை அவர் அருகிலிருந்து அல்ல — இதயத்திலிருந்து பார்த்துக் கொண்டிருக்கிறார். அவரது அமைதியிலும் ஒரு பொறுப்பு இருக்கிறது; அவரது ஒவ்வொரு நடவடிக்கையிலும் ஒரு அரசியல் ஒழுக்கம் இருக்கிறது. விஜய் ஒரு தலைவர் மட்டும் இல்லை, அவர் ஒரு சகாப்தம். அவரிடம் ‘நீங்கள் ஏற்பாடு செய்யும் நிகழ்ச்சி போன்று இதற்கு முன்னாடி யாராவது செய்தாங்களா?’ என்று யாரும் கேட்க முடியாது. ஏனெனில், இதற்கு முன்னால் யாருமில்லை…’ என்று சவால் விடுகிறார்கள்.
எந்த மாதிரி உலகத்தில் வாழ்கிறோம்.
