எதிர்க்கட்சித் தலைவராக இருந்த நேரத்தில் செந்தில்பாலாஜியை தில்லுமுல்லு அமைச்சர் என்றும் விரைவில் ஜெயிலுக்குப் போவார் என்றும் ஸ்டாலின் ஆவேசமாகப் பேசினார்.
அதே ஸ்டாலின் சமீபத்தில் கரூர் முப்பெரும் விழாவுக்குப் பிறகு செந்தில் பாலாஜியை பாராட்டிப் பேசியவை எல்லாம் பொன்னெழுத்தில் பொறிக்கப்பட வேண்டிவை. அந்த கூட்டத்தில் ஸ்டாலின், ‘’அண்ணாமலை முதுகுத்தண்டில் காய்ச்சல் வர வைக்கும் பெயர் செயல் வீரர் செந்தில்பாலாஜி – நூறு முறை ஆள் வைத்து பேசியும் பாஜகவின் அழைப்பை காலின் தூசியாய் மதித்தவர். திமுககாரனாய் சிறைக்குள் அனுப்பினிர்கள் திமுககாரனாகத்தான் வெளியே வருவேன் என்று சொல்லி அனுப்பியவர். வெளியே வந்த பின் என்ன நடக்கும் என ஆட்டுக்குட்டிகள் அறியும்..’’ என்று பேசினார்.
வரும் தேர்தலுக்கு செந்தில்பாலாஜி அமைச்சராக இருந்தால் மட்டுமே கொங்கு பெல்ட் பகுதியை அதிமுகவிடம் இருந்து மீட்க முடியும் என்று தொடர்ந்து நீதிமன்றத்தில் பல்வேறு முயற்சிகள் செய்துவருகிறார்கள்.
அமைச்சர் பதவியா ஜாமீனா என்ற ஊசலாட்டத்தில் ஓடுகிறது செந்தில்பாலாஜி வண்டி. ஆனாலும், சட்டத்தின் ஏதேனும் ஒரு ஓட்டையில் நுழைந்து செந்தில்பாலாஜியை அமைச்சராக்கத் துடிக்கிறார் ஸ்டாலின்.. வேடிக்கை பார்க்கலாம்.
