ஏதோ ஓர் ஊரில் ஏதோ ஓர் இடத்தில் காவலருக்கும் போக்குவரத்துத் துறை ஊழியருக்கும் இடையில் சண்டை, பிரச்னை வருவது சகஜம். அப்படி ஒரு பிரச்னை எழுந்தால், அது அங்கேயே முடிந்து போயிருக்க வேண்டும். இரண்டு துறையைச் சேர்ந்த அதிகாரிகளும் அப்போதே இந்த விஷயத்துக்கு முடிவு கட்டியிருக்க வேண்டும்.
ஆனால், அந்த ஒரு சாதாரண விவகாரம் தமிழகம் முழுக்க பற்றி எரியும் அளவுக்குப் போயிருக்கிறது. இதனை தள்ளி நின்று வேடிக்கை பார்க்கிறது அரசு. அந்த அளவுக்கு அரசுத் துறைக்குள் அரசியலும் அசட்டையும் நிரம்பியிருக்கிறது.
காவல் துறையில் முந்தைய அ.தி.மு.க. அரசுக்கு சாதகமான அதிகாரிகள் நிறையவே இருக்கிறார்கள். அதேபோல் தி.மு.க. விசுவாசிகள் எக்கச்சக்கமாக இருக்கிறார்கள். காவல் துறை மட்டுமின்றி, அத்தனை பொதுத்துறை நிறுவனங்களிலும் இந்த அரசியல் இருக்கிறது.
ஆனால், முதன்முறையாக அரசுக்கு கெட்ட பெயர் வாங்கித்தரும் அளவுக்கு இரண்டு அரசுத் துறையினரும் பொது வீதியில் சண்டை போடுவதகுத் தூண்டியிருக்கிறார்கள் என்பது தெரியவருகிறது.
தமிழகம் முழுக்க இந்த பிரச்னை பற்றி எரிந்த பிறகு அதாவது மூன்று நாட்களுக்குப் பிறகு சென்னையில் உள் துறை அதிகாரியும் போக்குவரத்துத் துறை அதிகாரியும் சந்தித்துப் பேசி, இதனை முடிவுக்குக் கொண்டுவரும் முயற்சியில் இறங்கியிருக்கிறார்கள்.
எடப்பாடி பழனிசாமி சொல்வது போல் இது விடியா அரசு தானோ…?
