ஆட்சியில் இருப்பவர்கள் தேர்தலை சந்திக்கும் நேரத்தில், நாங்கள் இப்படிப்பட்ட சாதனகள் எல்லாம் ஆட்சியில் செய்திருக்கிறோம் என்று பட்டியல் போட்டு ஓட்டு சேகரிப்பதே வழக்கம். ஆனால், பிரதமர் மோடி அந்த விஷயத்தில் கில்லாடி. சொன்ன சொல்லை மாற்றிப் பேசாதவர்.
பத்து ஆண்டுகளுக்கு முன்பு ஆட்சிக்கு வந்த நேரத்தில், நாட்டின் இந்த மோசமான நிலைமைக்கு காங்கிரஸ் கட்சியும் முதல் பிரதமர் நேருவும் என்று குற்றம் சாட்டினார். அந்த வார்த்தைகளை இன்று வரையிலும் அவர் மாற்றிக்கொள்ளவே இல்லை. நேரு தொடங்கிய அத்தனை பொதுத்துறை நிறுவனங்களையும் தனியாருக்கு மடை மாற்றுவதில் குறியாக இருக்கிறார்.
இந்தியாவுக்குச் சொந்தமான கடல்பரப்பை எல்லாம் அதானிக்குத் தாரை வார்த்துவிட்டார். குஜராத் துறைமுகத்தில் டன் டன்னாக போதைப் பொருட்கள் கைப்பற்றப்படுகிறது. ஆனாலும், அவருக்கே தொடர்ந்து அரசுத் துறைகள் வழங்கப்படுகின்றன. வெளிநாட்டுக்குச் செல்லும்போது அதானியும் உடன் செல்கிறார்.
இதையெல்லாம் ராகுல்காந்தி சுட்டிக் காட்டி பேசினாலும் மோடி அதனை கண்டுகொள்ளவே இல்லை என்பதுதான் குறிப்பிடத்தக்கது. இப்போதைய தேர்தல் பிரசாரத்திலும் மோடி பேசுவது காங்கிரஸ் கட்சியை குறை சொல்வது மட்டும்தான். இன்னும் பத்து ஆண்டுகள் கொடுங்கள் இந்தியாவை வல்லரசாக மாற்றுகிறேன் என்று சவால் விடுகிறார்.
அதானிக்குக் கொடுத்தது வரை போதும் சாமி… இந்தியாவை விட்ருங்க.
