மீடியாக்களில் பேட்டி கொடுக்காத விரும்பாத அஜித் ஆங்கில ஊடகத்தில்
கரூர் கொடூரத்தை பற்றி பேசி இருப்பது சர்ச்சையாகியுள்ளது. கரூர் மரணத்துக்கு விஜய்யும்
ஒரு காரணம் என்பதையே அழுத்திச் சொல்லியிருக்கிறார், அதற்காகவே இந்த பேட்டி என்கிறார்கள்.
அந்த பேட்டியில் அஜித், ‘’கரூர் சம்பவத்திற்கு நாம் அனைவரும் தான்
பொறுப்பு. ஒரு பிரபலம் வந்தால் அவரை காண மக்கள் கூட தான் செய்வார்கள் குடும்பத்தை மறந்து,
நேரம், தூக்கம் இன்றி படப்பிடிப்புகளில் பங்கேற்கிறோம். அனைத்து உழைப்பும் எங்கள் மீது
வைத்துள்ள ரசிகர்களின் அன்புக்காகத்தான்” என்று கூறியிருக்கிறார்.
அதாவது, தனி நபரை மட்டுமே காரணமாக கூற முடியாது என்று குறிப்பிட்டாலும்
அவர் நேரடியாக விஜய்யை குறி வைத்தே சொல்கிறார். நடந்த எல்லா காரணங்களுக்கும் அரசுதான்
காரணம் என்று விஜய்யும் அவரது கட்சியினரும் கூறிவரும் நிலையில், அஜித் பேட்டி பெரும்
பரபரப்பாகியுள்ளது.
இதற்கு எப்படி பதிலடி கொடுப்பது என்று புரியாமல் விஜய் ரசிகர்கள்
தயங்கி நிற்கிறார்கள். இனி, எங்கேயும் பெரும் கூட்டம் திரட்டுவதை அரசியல் கட்சிகளும்,
சினிமா நடிகர்களும் நிறுத்த வேண்டும். தலைவர்கள் மீது அன்பை காட்ட வேறு வழிகள் உண்டு.
உயிரைக் கொடுத்து அன்பைக் காட்ட வேண்டாம் என்கிறார்கள்.
