பாமகவில் தந்தை, மகன் அதிகார மோதலை தொடர்ந்து ராமதாஸ் தலைமையில்
ஒரு அணியும், அன்புமணி தலைமையில் மற்றொரு அணியும் செயல்பட்டு வருகிறது. இந்த இரு அணியினரும்
போட்டி கூட்டங்களை நடத்தி தங்களது ஆதரவாளர்களை திரட்டி வருகின்றனர்.
மாம்பழம் சின்னத்தை தங்களுக்கே ஒதுக்க வேண்டும் என இரு அணியினரும்
தனித்தனியாக தேர்தல் கமிஷனுக்கு மனு அளித்துள்ளனர்.பாஜக மற்றும் தேர்தல் கமிஷன் ஆதரவுடன்
அன்புமணிக்கு மாம்பழம் சின்னம் கிடைப்பது உறுதி என்பது டாக்டர் ராமதாஸ்க்குத் தெரிந்துவிட்டது.
அதனால், புதிய கட்சி தொடங்கி குடைச்சல் கொடுப்பதற்கு முடிவு செய்துவிட்டார் என்று சொல்லப்படுகிறது.
இதற்காக சேலம் மேற்கு எம்எல்ஏ அருள் பெயரில் அய்யா பாமக என்ற பெயரில்
புதுக் கட்சி தொடங்கப்படுகிறது. புதிய கட்சியை தொடங்க 100 பேரிடம் பிரமாண பத்திரம்
பெறும் பணி தொடங்கப்பட்டிருக்கிறது.
பாமகவில் ஏற்பட்டுள்ள மோதல் காரணமாக இன்னும் ஓரிரு நாட்களில் மருத்துவர்
ராமதாஸ் அய்யா பாமக என்ற புதுக் கட்சியை ஆரம்பிக்க உள்ளதாக தகவல் வெளியாகி இருக்கிறது.
இந்நிலையில் ராமதாஸை தங்கள் கூட்டணிக்குள் கொண்டு வர பல்வேறு அரசியல்
கட்சிகள் முயன்று வருகிறது. சில கட்சிகள் இருவரையும் சமாதானப்படுத்தவும் முயன்று வருகிறனர்.
ஆனாலும் ராமதாஸ் எந்த கட்சிகளுக்கும் பிடி கொடுக்காமல் இருக்கிறார். கூட்டணி தொடர்பாக
டிசம்பர் மாதம் 30-ம் தேதி சேலம் மாவட்டம், தலைவாசலில் நடைபெறும் சிறப்பு பொதுக்குழு
கூட்டத்தில் முடிவு செய்யப்படும் என டாக்டர் ராமதாஸ் ஏற்கனவே கூறி இருக்கிறார்.
இந்த கூட்டத்திற்கு முன் தேர்தல் ஆணையத்தின் பதில் கிடைத்து விடும்
எனவும் அவர் நம்பிக்கையாக இருக்கிறார். எனவே தேர்தல் ஆணையத்தின் முடிவுக்கு பின்னரே
புதிய கட்சி அறிவிக்கப்படும் என்கிறார்கள். இந்த தகவல் அறிந்த அன்புமணி குரூப் இப்போது கடுமையான
தாக்குதலைத் தொடுக்கிறார்கள்.
அது அய்யா பாமக அல்ல ஆயா பாமக என்று நேரடியாக சுசிலா மீது தாக்குதலைத்
தொடங்கியிருக்கிறார்கள்.
