கோவைக்கு பிரதமர் வந்துவிட்டு சென்ற பிறகு அண்ணாமலை இரண்டு முறை
பிரஸ்மீட் கொடுத்துவிட்டார். நயினார் தலைவராக வந்தபிறகு அமைதியாக இருந்த அண்ணாமலை மறுபடியும்
தனி ஆவர்த்தனம் தொடங்கியிருப்பது நயினார் மற்றும் எடப்பாடிக்கு எரிச்சலைக் கொண்டுவந்திருக்கிறது.
எரியும் தீயில் எண்ணெய் ஊற்றுவது போன்று திருமண விழாவில் அண்ணாமலையும்,
அமமுக பொதுச்செயலாளர் டிடிவி தினகரனும் சந்தித்துக்கொண்ட விவகாரம் சர்ச்சையாகியிருக்கிறது.
அமமுகவின் கரூர் மேற்கு மாவட்ட செயலாளர் தங்கவேல் இல்லத் திருமண
வரவேற்பு விழாவில் டிடிவி தினகரன் கலந்துகொண்டார். அப்போது மணமக்களை வாழ்த்த மேடை ஏறும்
முன் தமிழக பாஜக முன்னாள் தலைவர் அண்ணாமலையை சந்தித்த தினகரன் சந்தித்துப் பேசினார்.
பின்னர், மணமக்களை வாழ்த்திவிட்டு வந்த டிடிவி தினகரனுக்கு சால்வை
அணிவித்து அண்ணாமலை நலம் விசாரித்தார். பின்னர் இருவரும் பேசிக்கொண்டார்கள். அரசியல்
பேசவில்லை என்று இருவரும் கூறினாலும் மீண்டும் டச்சப் வேலை நடக்கிறது என்று நயினார்
அச்சப்படுகிறார். தொடர்ந்து கூட்டணியில் எடப்பாடி இருக்கவேண்டும் என்றால் அண்ணாமலை
அமைதியாக இருக்க வேண்டும். அது நடக்குமா அல்லது கூட்டணி உடையப்போகிறதா..?
