எப்படி கேள்வி கேட்டாலும் பதில் கொடுக்கும் சீமான் தேர்தல் கமிஷன்
நடைமுறையைப் புரிந்துகொள்ளமால், செய்தியாளர்களை வாடா, போடா என்று பேசியிருப்பது மீடியாக்களை
அதிர வைத்திருக்கிறது. மனநிலை தடுமாறியவர் போன்று சீமான் பேசியிருப்பதாக விமர்சனம்
வருகிறது.
புதுவையில் சீமான் செய்தியாளர்களை சந்தித்த நேரத்தில் கலைஞர் டிவி
செய்தியாளர் ராஜிவ் எழுப்பிய கேள்விகளை எதிர் கொள்ள முடியாமல் அவர் மீது அநாகரீகமான
வார்த்தைகளை பயன்படுத்தி பாய்ந்துள்ளார்.
கோவை மற்றும் மதுரை மெட்ரோ ரயில் திட்டம் மத்திய அரசால் காலதாமதம்
செய்யப்படுவதாக செய்தியாளர் ராஜுவ் எழுப்பிய கேள்விக்கு, மெட்ரோ ரயில் திட்டமே ஒரு தோல்வியான திட்டம் என
சீமான் கூறிய நிலையில், வளர்ச்சி திட்டம் வேண்டாமா என செய்தியாளரின் கேள்விக்கு, ஆவேசமான
சீமான் எது வளர்ச்சி என செய்தியாளரை ஒருமையில் பேசத் தொடங்கியுள்ளார்.
அதேபோல் S.I.R விவகாரத்தில் தேர்தல் ஆணையம் சொன்னால் அரசு செய்து
தானே ஆக வேண்டும் என செய்தியாளர் கூற ஆவேசமாக எழுந்த சீமான் செய்தியாளரை பார்த்து உனக்கு
என்ன பிரச்சனை என கோபமாக வாக்குவாதத்தில் ஈடுபட்டார்.
ஒரு மைக்கை எடுத்துகொண்டு வந்தால் நீ என்ன பெரிய வெங்காயமா? என
கடும் சொற்களால் செய்தியாளரை ஒருமையில் பேசியுள்ளார்.
மரியாதையாக பேசுங்கள் என செய்தியாளர் கூறியும் நீ முதலில் மரியாதையாக
கேள்வி கேளுடா என நிதானம் இழந்து பேசி உள்ளார். செய்தியாளர் சந்திப்பு என நிருபர்களை
அழைத்து கேள்விகளை எதிர்கொள்ளும் அரசியல் கட்சித் தலைவர்கள், தங்களுக்கு பதில் சொல்ல
விருப்பம் இருந்தால் அந்த கேள்விக்கு பதில் சொல்லலாம், இல்லையென்றால் அதைக் கடந்து
சென்றுவிடலாம் மாறாக, கேள்வி எழுப்பிய செய்தியாளரை அநாகரீகமாக பேசி, அவமரியாதையாக நடத்துவது
ஒரு கட்சியின் தலைவருக்கு அழகல்ல என்று விமர்சனம் எழுந்துள்ளன.
அதோடு தேர்தல் கமிஷன் பற்றிய புரிதல் சீமானுக்கு இல்லை என்பதையே
இந்த நிகழ்வு காட்டுகிறது.
அதாவது பி.எல்.ஓக்களை நியமித்தது திமுக அரசு தான் என்று சீமான்
குறிப்பிடுகிறார். தேர்தல் பணிகளுக்கு என்று அரசு இயந்திரத்தின் மொத்த அலுவலர்களும்
தேர்தல் ஆணையத்தின் கட்டுப்பாட்டிற்கு உரியவர்கள். அரசிடம் இவர்களை நியமிக்கலாமா வேண்டாமா
என்றெல்லாம் கேட்க மாட்டார்கள். அரசமைப்பு சட்டப்படி வானளாவிய அதிகாரம் கொண்ட தேர்தல்
ஆணையம் தங்களுக்கு தேவையான எந்த ஒரு ஒன்றிய, மாநில அரசு மற்றும் தனியார் ஊழியர்களை
தேர்தல் பணிக்கு நியமிக்கும்.
ஐஏஎஸ் ஐபிஎஸ் போன்ற உயர் அதிகாரிகளையே யாரிடமும் கேட்காமல் மாற்றும்
அதிகாரம் தேர்தல் ஆணையத்திற்கு உண்டு. இதை அரசு கூட எதிர்த்து கேட்க முடியாது. ஊழியர்களாலும்,
தேர்தல் ஆணையத்தை மீறி அரசு செல்வதைக் கேட்க முடியாது. தேர்தல் ஆணையம் சொல்வதைத் தான்
கேட்க வேண்டும்.
ஏனென்றால் தேர்தல் ஆணையத்தின் ஒரு மெமோ அவர்கள் மொத்த பணி எதிர்காலத்தையும்
சூனியம் ஆகிவிடும். அதனால் அரசு ஊழியர்கள் கடுமையாக தேர்தல் பணியாற்றுவார்கள். மற்ற
சிறு அழுத்தமான பணிக்கு கூட போராட்டம் எதிர்ப்பு என்று தெரிவிப்பவர்கள் தேர்தல் பணிகளில்
தெரிவிக்க முடியாது ஏனென்றால் தேர்தல் ஆணையம் அடுத்த நிமிடமே இவர்களை நீக்கிவிட்டு
வேறு ஒருவரை நியமித்து விடும். ஒரு முறை நீக்கி விட்டால் மீண்டும் அந்தப் பிரச்சினையை
சரி செய்து பணிக்கு திரும்புவது என்பது குதிரை கொம்பு. இதெல்லாம் தெரியாமல் பேசும்
சீமானுக்கு விஜய்க்கு வரும் ஆதரவு குறித்து மன அழுத்தம் ஏற்பட்டுள்ளது என்கிறார்கள்.
அதேநேரம் நாம் தமிழர் கட்சியினர், ‘’திமுகவினரிடம் அவர்கள் எழுதிக்கொடுக்கும்
கேள்வியைதான் கேட்க முடியும். விஜய்யிடம் கேள்வியே கேட்க முடியாது. சீமானென்றால் எதையும்
இஷ்டத்துக்கு கேக்கலாம், கண்டதையும் திரும்ப திரும்ப கேட்டு ட்ரிகர் பண்ணலாம் என்கிற
அபத்த புத்திகொண்ட ஊடகவியலாளர்கள் திருந்த வேண்டும்’’ என்கிறார்கள்.
