பீகார் தேர்தல் முடிவுகளைப் பார்த்து காங்கிரஸ் கட்சியும் திமுகவும்
அதிர்ச்சி அடைந்து நிற்கிறது. தேர்தல் கமிஷன் மூலம் ஏதேனும் தில்லுமுல்லு செய்வதற்கு
வாய்ப்பு உண்டு என்று திமுகவும், இத்தனை மோசமான தோல்விக்குப் பிறகு திமுகவிடம் பேரம்
பேச முடியாது என்று காங்கிரஸ் கட்சியும் அதிர்ந்து நிற்கிறது. இவர்கள் எல்லோரையும்
விட அதிக அப்செட் ஆகியிருப்பது விஜய் என்பதுதான் ஆச்சர்ய தகவல்.
ஏனென்றால் தமிழக காங்கரஸ்காரர்களுக்கு தவெகவும், பல தவெககாரர்களுக்கு
காங்கிரஸ் கட்சியுடன் கூட்டணி வைப்பது விருப்பத் தேர்வாக இருந்தது… பீகாரில் 30,
40 இடங்களுக்கு மேல் காங்கிரஸ் வென்றிருந்தால், திமுகவிடம் 60, 70 தொகுதிகளை கேட்டு,
களத்திலும் குடைச்சலை கொடுத்திருப்பார்கள். அதற்கு நிச்சயம் திமுக சம்மதம் தெரிவிக்காது
என்பதால் விஜய்யுடன் கூட்டணிக்கு வந்திருப்பார்கள்.
காங்கிரஸ் கட்சி வந்துவிட்டால் அதை பின்பற்றி விசிக, கம்யூனிஸ்ட்களையும்
இழுத்துவிடலாம் என்று விஜய் திட்டம் போட்டிருந்தார். ஆனால், ரொம்பக் கேவலமான தோல்வியை
காங்கிரஸ் பெற்றுள்ளது. இதனால் இனிமேல் திமுகவை சீண்டிப் பார்க்க முடியாது. அது மட்டுமின்றி
சீட் குறைவாகக் கொடுத்தாலும் எதிர்த்துப் பேச முடியாது. கிடைக்கும் வரை வாங்கிக்கொள்ள
வேண்டியதுதான் என்ற மனநிலையில் இருக்கிறார்கள்.
இதுதான் விஜய்யை கவலைப்பட வைத்திருக்கிறது. திமுக குறைவாக சீட்
கொடுத்தாலும் அது நியாயம் தானே என்று பேச வைக்கும்… அதை எதிர்த்து வீம்புக்கு காங்கிரஸ்
வெளியேறினாலும் மக்கள் செல்வாக்க இழந்துவிடும். எனவே, காங்கிரஸ் இனி வராது என்பது விஜய்க்கு
அதிர்ச்சியைக் கொடுத்துள்ளது. அப்படியென்றால், இனி அதிமுக தவிர விஜய்க்கு வேறு வாய்ப்புகளே
இல்லை.
