டாக்டர் ராமதாஸ்க்கு பாஜக கொடுத்த அல்வா. திமுக கூட்டணிக்கு ரெடி?

டாக்டர் ராமதாஸ்க்கும் அன்புமணிக்கும் இடையில் அதிகாரப்போட்டி உச்சகட்டத்தை எட்டிப்பிடித்துள்ளது. கட்சியின் தலைவர் நானே தான் என்று இருவரும் முட்டி மோதிக்கொண்டு இருக்கிறார்கள். இந்நிலையில் கட்சியும் சின்னமும் அன்புமணிக்கு சொந்தம் என்று தேர்தல் கமிஷன் அறிவித்திருப்பது டாக்டர் ராமதாஸை கடும் கோபத்துக்கு ஆளாக்கியுள்ளது.

பா.மக.வில் அதிகாரப் போட்டி நடப்பதற்கு முக்கிய காரணமே அண்ணாமலைதான். கடந்த தேர்தலில் அன்புமணி பாஜகவை தேர்வு செய்தார் அன்புமணி. அதற்கு நன்றிக் கடன் போன்று பாமக கட்சியும், சின்னமும் அன்புமணிக்கு சொந்தம் என்று தேர்தல் கமிஷன் கூறிவிட்டது. அதோடு, பாமக-வின் தலைவராக அடுத்த ஆண்டு ஆகஸ்ட் வரை அன்புமணிதான் தொடர்வார் என்று அறிவிப்பு வெளியிட்ட தேர்தல் ஆணையம், கட்சியின் நிறுவனர் ராமதாஸ் அளித்த மனுவை நிராகரித்துவிட்டது.

பாஜகவின் ஆட்டத்தைக் கண்டு அதிர்ந்து போயிருக்கிறார் ராமதாஸ். ஏனென்றால் கட்சியை கைப்பற்ற இரு தரப்பினரும் சில மாதங்களுக்கு முன்பு பொதுக்குழுவை கூட்டி தீர்மானங்களை நிறைவேற்றினர். இதன் தொடர்ச்சியாக, தலைமைத் தேர்தல் ஆணையத்தையும் அணுகினர்.

இதில், அன்புமணி தலைமையிலான பாமக-வை தேர்தல் ஆணையம் அங்கீகரித்தது. அதோடு 2026-ம் ஆண்டு ஆகஸ்ட் வரை கட்சியின் தலைவராக அன்புமணி தொடர்வார். பாமக சார்பில் தேர்தலில் போட்டியிடும் வேட்பாளர்களின் ‘ஏ’ மற்றும் ‘பி’ படிவங்களில் கையெழுத்திடும் அதிகாரமும் அவருக்குத்தான் உள்ளது என தேர்தல் ஆணையம் அறிவித்தது. இதனை தொடர்ந்து தேர்தல் ஆணையத்தை அணுகி மாம்பழம் சின்னத்தை அன்புமணி தரப்பினர் பெற்றனர்.

இதனால், கடும் கோபம் அடைந்த ராமதாஸ் பாமகவின் தலைவர் அன்புமணி இல்லை என்றும், அவரது பதவி காலம் ஏற்கெனவே முடிந்து விட்டது எனவும் தேர்தல் ஆணையத்திடம் முறையிட்டார். ஆனால், தேர்தல் ஆணையம் ராமதாஸ் தரப்பு மனுவை நிராகரித்தது.

இதுதொடர்பாக டெல்லியில் அக்கட்சியின் கவுரவ தலைவர் ஜி.கே.மணி செய்தியாளர்களிடம் கூறும்போது, ‘அன்புமணி தரப்பு போலியான ஆவணங்களை தேர்தல் ஆணையத்திடம் சமர்ப்பித்தது. அதன் அடிப்படையிலேயே அவருக்கு தேர்தல் ஆணையம் அங்கீகாரம் வழங்கி உள்ளது. தேர்தல் ஆணையமும் அன்புமணியுடன் சேர்ந்து, அவருக்கு ஆதரவாக செயல்பட்டுள்ளது. தேர்தல் ஆணையம் செய்திருப்பது ஜனநாயக படுகொலை. இதனை கண்டித்து டெல்லியில் தேர்தல் ஆணையம் முன்பு போராட்டம் நடத்தப்படும்’ என்று அறிவித்திருக்கிறார்.

இந்நிலையில் அன்புமணியை தோற்கடிக்க வேண்டும் என்றால் திமுக கூட்டணியில் இணைவது மட்டுமே சரியாக இருக்கும் என்றும் முடிவெடுத்து இருக்கிறாராம். விரைவில் அதற்கான அறிவிப்பு வரும் என்கிறார்கள்.