News

விஜய் அவசரக் கூட்டம். பனையூரில் விவசாயிகள் சந்திப்பு..?

Follow Us

விஜய்க்கு ஆதரவாக மருது அழகுராஜ், தமிழருவி மணியன் தொடங்கி பல்வேறு அரசியல் பிரபலங்கள் ஆதரவு கொடுத்தார்கள் என்றாலும், அவர் யாரையும் பக்கத்தில் சேர்க்கவில்லை. இந்த நிலையில் நாஞ்சில் சம்பத்தை கட்சியில் சேர்த்து, அவருக்கு கட்சியில் அமைப்புச் செயலாளர் பொறுப்பு கொடுக்கப்படுவதாக செய்திகள் வெளியாகின்றன.

இதையொட்டி சமீபத்தில் நாஞ்சில் சம்பத் எக்ஸ் தளத்தில், ‘’உண்பது நாளி; உடுப்பவை இரண்டே..! இதுதான் நான் வாழ்க்கையில் பின்பற்றுவது, அதிகாரத்தை அண்டிப்பிழைக்க வேண்டும் என்று கருதியதில்லை;அதிகாரத்தில் இருக்கிறார்கள் என்பதற்காக அவர்களை நான் மதிப்பதும் இல்லை.! கொள்கையை நேசிக்கிறேன், அதனால் நிம்மதியாக இருக்கிறேன்..!

ஆகாயத்தைப் பார்த்து நான் ஆச்சரியப்படுவதும் இல்லை; அதலபாதாளத்தைப் பார்த்து நான் அஞ்சுவதும் இல்லை..! என்னதான் நடக்கும் நடக்கட்டுமே..!

இன்று வரை எதிர்ப்பிலேதான் வாழ்ந்தேன்..! எதிர்பார்ப்பில்லாமலும் வாழ்ந்தேன்..!இன்னும் வாழ்வேன்..!’’ என்றெல்லாம் தொடர்ந்து கருத்து தெரிவித்து வருகிறார்.

மதிமுகவில் இருந்து விலகிய நாஞ்சில் சம்பத் இன்னோவா காருக்காக கட்சி மாறியதாக சொல்லப்பட்டது. இதையடுத்து திமுகவுக்கு ஆதரவு காட்டினார். இப்போது அவர்களும் மதிப்பதில்லை. எனவே விஜய்க்கு ஆதரவாக பேசத் தொடங்கியிருக்கிறார்.

ஏற்கெனவே விஜய் திமுகவை கடுமையாக விமர்சனம் செய்து வரும் நிலையில், அவருக்கு ஆதரவாக பேசியதாலேயே திமுகவின் அறிவுத் திருவிழாவுக்கு நாஞ்சில் சம்பத்துக்கு அழைப்பு விடுக்கப்படவில்லை என தகவல் வெளியானது.

சமீபத்தில் ஒரு யூ டியூப் சேனலில் நாஞ்சில் சம்பத், ”திமுகவுக்கு தவெக தான் சவாலாக இருக்கும் அந்த உண்மையைத் தான் நான் சொன்னேன். திமுகவுக்கு அதிமுக சவாலாக இருக்காது. கடந்த நாடாளுமன்ற தேர்தலில் அதிமுக 13 இடங்களில் 3வது இடத்தையும், ஒரு தொகுதியில் டெபாசிட்டையும் இழந்தது. ஒரு தொகுதியில் 4வது இடத்துக்கு சென்றது. ஆகவே தான் நான் திமுகவுக்கும், தவெகவுக்கும் நேரடி போட்டி இருக்கும்.  

தம்பி விஜய் கட்சி ஆரம்பித்தவுடன் “பிறப்பொக்கும் எல்லா உயிர்க்கும்” என்று அவர் சொன்னவுடன் நான் மிகவும் மகிழ்ச்சி அடைந்தேன். மேலும் தவெக கொடியில் தமிழர்களின் அடையாளமாக இருக்கும் யானை, போருக்கு செல்லும்போது தமிழ் மன்னர்கள் சூடிக்கொள்ளும் வாகைப் பூக்கள் இடம்பெற்றுள்ளன. இவையெல்லாம் விஜய் கட்சி கொடியில் இருக்கும்படி செய்தது எனக்கு மனநிறைவை தந்தது…’’ என்றெல்லாம் ஜால்ரா போட்டு வருகிறார்.

விஜய் மசிவாரா அல்லது மற்ற தலைவர்களைப் போன்று இவரையும் சுற்றலில் விடுவாரா என்பது விரைவில் தெரிந்துவிடும்.

 

Leave a Reply

Your email address will not be published. Required fields are marked *

Share via
Copy link