பாண்டே சர்வேயில் அதிமுக, விஜய் அசத்தல்… நாம் தமிழருக்கு என்னாச்சு..?

ரங்கராஜ் பாண்டே நடத்திவரும் சாணக்கியா சேனலில் ஒரு கருத்துக்கணிப்பு வெளியிட்டுள்ளார். அதன்படி அதிமுக முன்பு பெற்ற வாக்குகளும் பாஜக கூட்டணியின் வாக்குகளும் அதிமுகவுக்குக் கிடைப்பதால் 39% வாக்குகள் அள்ளும் என்று குறிப்பிட்டுள்ளார். அதேநேரம் திமுகவின் வாக்குகளை விஜய் பிரிப்பதால் அந்த கூட்டணி வாக்கு விகிதம் 46%ல் இருந்து 36% ஆகிவிடும் என்பதால் அதிமுக ஆட்சியைப் பிடிக்கும் என்று கூறியிருக்கிறார்.

அதாவது சாணக்யா கருத்து கணிப்பு படி, 2024 நாடாளுமன்ற தேர்தலோடு ஒப்பிடுகையில், திமுக 2026 இல் கிட்டத்தட்ட 11% வாக்குகளையும், 2021 சட்டமன்ற தேர்தலோடு ஒப்பிடுகையில் கிட்டத்தட்ட 10% வாக்குகளையும் பறிகொடுக்கிறது. அதேவேளை அதிமுக + பாஜக 2021 இல் வாங்கிய 39% வாக்குகளை அப்படியே தக்க வைக்கிறது என்கிறார்.

அதேநேரம் அதிமுக கூட்டணி என்பது பாஜக, பாமக, தேமுதிக, தினகரன், ஓபிஎஸ் உள்ளிட்ட அத்தனை கட்சிகளும் உள்ளடங்கியவை என்கிறார். அதோடு விஜய்க்கு 20% வாக்குகள் கிடைக்கும் என்று சொல்லும் பாண்டே நாம் தமிழர் வாக்கு 8%ல் இருந்து 4% ஆக குறைந்துவிடும் என்கிறார்.

இதுவரை வெளியான பல்வேறு சர்வேக்களில் விஜய் கட்சிக்கு 8% கொடுத்திருக்கும் நிலையில், அவருக்கு 20 சதவீதம் கொடுத்து, அத்தனை வாக்குகளும் திமுகவில் இருந்து வருவதாக கணக்கு காட்டியிருக்கிறார் பாண்டே.

எப்படியோ விஜய்யும் அதிமுகவும் குஷியில் இருந்தால் சரி.