எஸ்.ஐ.ஆர். எனப்படும் சிறப்பு தீவிரத் திருத்தம் காரணமாக வரும்
சட்டமன்றத் தேர்தலில் திமுக, அதிமுகவின் அடிப்படை வாக்குகளுக்கு ஆபத்து வரும் என்று
கூறப்படுகிறது. வட மாநிலத்தவரை திணிக்கும் இந்த திட்டத்தை எப்படி தடுப்பது என்று இன்றைய
தினம் திமுக, அதிமுக கட்சித் தலைவர்கள் ஆலோசனை மேற்கொண்டு வருகிறார்கள்.
திமுகவினர் ஏற்கெனவே பூத் கமிட்டிக்கு ஆள் நியமித்து பாக முகவர்கள்
நியமனம் செய்திருக்கும் நிலையில் இன்று ஐ.டி. விங் கூட்டத்தை நடத்தி புதிய திட்டத்தை
அறிமுகம் செய்கிறார் எடப்பாடி பழனிசாமி.
இதுகுறித்து பேசும் அதிமுகவினர், ‘’அதிமுக சார்பில் ஏற்கனவே அமைக்கப்பட்டுள்ள
பூத் கமிட்டி உறுப்பினர்களுடன் கூடுதலாக ஒரு பூத் கமிட்டிக்கு 9 பேர் இணைக்கப்படுகிறார்கள்.
இவர்களுக்கு பாக கிளை உறுப்பினர்கள் என்று புதிய அடையாளத்தை அதிமுக கொடுத்திருக்கிறது.
இந்த பாக கிளை முகவர்களின் பணி என்னவென்றால் அதிமுக தலைமையின் தேர்தல் பிரச்சார வியூகங்களை
வீடு வீடாக கொண்டு சேர்ப்பது தான்.
வாக்குச்சாவடிகளுக்காக அதிமுக அமைத்துள்ள பாக கிளை முகவர்கள்
9 பேரில் குறைந்தபட்சம் 3 பெண்கள் இருப்பதை நிர்வாகிகள் உறுதி செய்துள்ளனர். இந்த ஒன்பது
பேரில் அதிமுகவின் பல்வேறு பிரிவுகளைச் சேர்ந்தவர்கள் இடம் பெறுகிறார்கள். உதாரணமாக தகவல் தொழில்நுட்ப அணி, வழக்கறிஞர் அணி,
மாணவர் அணி, இளைஞர் இளம் பெண் பாசறை பிரிவு என பல்வேறு அணிகளில் இருந்து 9 பேர் நியமிக்கப்படுகிறார்கள்.
இந்த 9 பேரில் குறைந்தபட்சம் மூன்று பெண்கள் இருப்பது கட்டாயமாக்கப்பட்டுள்ளது’’ என்கிறார்கள்.
பெண்கள் கை கொடுப்பார்களா என்பதைப் பார்க்கலாம்.
