கரூர் விவகாரம் தொடங்கி செந்தில்பாலாஜி வரையிலும் நீதிமன்றத்தில்
ஸ்டாலினுக்கு தொடர்ந்து நெத்தியடி கொடுக்கப்பட்டு வருகிறது. இந்நிலையில், தமிழகத்தில்
புதிய டிஜிபி நியமனம் செய்வதற்கு இந்தியப் பணியாளர் தேர்வாணையம் மூன்று பேர் கொண்ட
பட்டியல் அனுப்பியபிறகும், நிரந்தர டிஜிபி நியமிக்கப்படாததை எதிர்த்து நீதிமன்ற அவமதிப்பு
வழக்கு தொடரப்படுவதால் ஸ்டாலினுக்கு நெருக்கடி உருவாகியுள்ளது.
டிஜிபி பதவிக்காலம் முடிவதற்கு முன்னதாக தகுதி வாய்ந்த டிஜிபி
அதிகாரிகள் பட்டியலை 3 மாதத்திற்கு முன்னதாகவே யு பி எஸ் சி என்று அழைக்கப்படும் இந்தியப்
பணியாளர் தேர்வாணையத்திற்கு தமிழ்நாடு அரசு அனுப்பி இருக்க வேண்டும். அதில் மூன்று
பேரைத் தேர்ந்தெடுத்து தமிழ்நாடு அரசுக்கு யுபிஎஸ்சி பரிந்துரை செய்திருக்கும் என்பதுதான்
விதிமுறை.
தமிழ்நாடு காவல்துறை டிஜிபியாக பதவியில் இருந்த சங்கர் ஜிவால்
பணிக்காலம் கடந்த ஆகஸ்ட் மாதம் இறுதி நாளோடு நிறைவு பெற்றது. இந்த நிலையில் ஆகஸ்ட் இறுதியில்தான் இந்தப் பட்டியலைத் தமிழ்நாடு
அரசு இந்தியப் பணியாளர் தேர்வு ஆணையத்திற்கு அனுப்பியது.
இந்த காலதாமத காலத்திற்குள் பொறுப்பு டிஜிபி நியமிக்கப்பட்டுவிட்டார்.
அவரே இன்று வரை தொடர்கிறார். இதை எதிர்த்து உச்சநீதிமன்றத்தில் வழக்கு தொடங்கப்பட்ட
நிலையில், புதிய டிஜிபி பட்டியலை யுபிஎஸ்சி அனுப்பிய பிறகும் ஸ்டாலின் புதியவரை நியமிக்க
முடியாமல் தடுமாறுகிறார்.
காவல் துறை அதிகாரிகளுக்கும் முதல்வருக்கு நெருக்கமான ஐஏஎஸ் அதிகாரிகளுக்கும்
இடையிலான பனிப்போர் காரணமாக இந்த காலதாமதம் ஏற்படுவதாக சொல்லப்படுகிறது.
இந்நிலையில் மீண்டும் உச்சநீதிமன்றத்தில் நீதிமன்ற அவமதிப்பு வழக்கு
தொடரப்படுவதாக சொல்லப்படுகிறது. எனவே, கடும் நெருக்கடியில் சிக்கித்தவிக்கிறார் ஸ்டாலின்.
