கரூர் நெரிசல் சம்பவத்தில் பாதிக்கப்பட்ட குடும்பத்தினரை ஆடம்பர
ஹோட்டலுக்கு அழைத்து ஆறுதல் சொல்கிறார் நடிகர் விஜய். இதற்கு கடுமையான கண்டனங்கள் எழுந்துள்ள
நிலையில், இதனை திசை திருப்பும் வகையில் ஒரு சர்வே வெளியாகியுள்ளது.
அதாவது கரூர் சம்பவத்துக்குப் பிறகு விஜய்க்கு செல்வாக்கு மளமளவென
குறைந்துவிட்டது என்றும் அவருக்கு டெபாசிட் தேறாது என்றும் பலரும் சொல்லிவருகிறார்கள்.
ஆனால், டெல்லியில் எடுக்கப்பட்டதாக சமூகவலைதளங்களில் வெளியாகியிருக்கும் ரகசிய சர்வே
ரிசல்ட், விஜய் ரசிகர்களை குஷிப்படுத்தியிருக்கிறது.
விஜய் தனியாக போட்டியிட்டால் 120 சீட் கிடைக்கும் என்றும் அதிமுக
கூட்டணியில் போட்டியிட்டால் 200 தொகுதிகள் கிடைக்கும் என்று டெல்லி எடுத்த ஆச்சரிய
சர்வே முடிவுகள் தெரிவிக்கிறதாம்.
சமீபத்தில் டெல்லியை தளமாக கொண்ட முக்கிய ஆய்வு நிறுவனங்கள் நடத்தியதாக
கூறப்படும் ஒரு தேர்தல் சர்வே முடிவுகள் படிவிஜய் தலைமையிலான தமிழக வெற்றி கழகம், எந்த
பெரிய திராவிட கட்சிகளுடனும் கூட்டணி வைக்காமல், 234 தொகுதிகளிலும் தனித்து போட்டியிட்டால்,
அது சுமார் 120 சட்டமன்ற தொகுதிகளில் கணிசமான வெற்றியை பெற வாய்ப்புள்ளது. அதாவது,
தனிப்பெரும்பான்மைக்கு மிக அருகில் சென்று, தமிழகத்தில் தொங்கு சட்டப்பேரவை அல்லது
விஜய்யின் செல்வாக்கினால் சிறிய கட்சிகளின் ஆதரவுடன் ஆட்சி அமைக்கும் வாய்ப்பு உருவாகும்.
ஒருவேளை, விஜய் ஏதேனும் ஒரு வலுவான தேசிய அல்லது பிராந்திய கட்சியுடன்
இணைந்து ஒரு மெகா கூட்டணியை அமைத்தால், அந்த கூட்டணிக்கு 200க்கும் மேற்பட்ட இடங்கள்
கிடைக்கும் வாய்ப்பு உள்ளது. கரூர் சம்பவத்தினால் விஜய்க்கு செல்வாக்கு குறையவில்லை
என்று கூறுகிறது. இந்த முடிவைப் பார்த்து தவெகவினர் குஷியாகியுள்ளனர்.
அதேநேரம் திமுகவினர், ‘’விஜய்யை ஒட்டுமொத்தமாக முடக்குவதற்கு பாஜக
விரிக்கும் வஞ்சக வலை. விஜய் சிக்கினால் சின்னாபின்னமாகிவிடுவார்’’ என்று எச்சரிக்கை
செய்கிறார்கள்.
