விஜய் கூட்டணிக்குப் போகிறார் வைகோ… அரசியல் திடீர் திருப்பம்..?

கடந்த 2016ம் ஆண்டு மக்கள் நலக்கூட்டணி உருவாக்கி திமுகவை ஆட்சிக்கு வரவிடாமல் தடுத்தவர் வைகோ. அப்போது முதல்வர் வேட்பாளராக விஜயகாந்தை ஏற்றுக்கொண்டு செயல்பட்டார். இப்போது அதேபாணியில் விஜய்யை முதல்வராக ஏற்றுக்கொண்டு திமுகவை தோற்கடிக்கப் போகிறார் என்று மல்லை சத்யா குற்றம் சாட்டியிருக்கிறார்.

வாரிசு அரசியலுக்கு எதிராக போர்க்கொடி தூக்கி திமுகவை உடைத்தவர் வைகோ. அவருக்கு மிகப்பெரும் ஆதரவும் இருந்தது. ஆனால், தவறான முடிவுகளாக எடுத்து அதிமுக கூட்டணி, திமுக கூட்டணி, மக்கள் நலக்கூட்டணி என பல்வேறு கூட்டணிகளுக்குத் தாவினார்.

இப்போது திமுக கூட்டணியில் இருக்கிறார் என்றாலும் அவருக்கு உரிய மரியாதை கிடைக்கவில்லை. வரும் தேர்தலில் மதிமுகவுக்கு சீட் குறைக்கப்படும் அபாயம் இருப்பதாகத் தெரிகிறது. ஆகவே, சுயமரியாதையைக் காப்பாற்றுவதற்கு விரைவில் கூட்டணியில் இருந்து வெளியே வருவார் என்று சொல்லப்படுகிறது.

துரைவைகோவுக்கு எதிராகப் போர்க்கொடி தூக்கிய காரணத்தால் கட்சியிலிருந்து வெளியேற்றப்பட்ட மல்லை சத்யா இது குறித்து வெளிப்படையாவே குற்றம் சாட்டியிருக்கிறார்.

‘’வைகோ மருத்துமனையில் படுத்து இருந்தபடி அடுத்தகட்ட அரசியல் மூவ் செய்துவருகிறார் வைகோவின் அரசியல் போக்கு எப்போதும் நேரடியாக இருக்காது. அவர் ஒருபுறம் திமுக கூட்டணியில் இருப்பது போல நடித்து, மறுபுறம் பாஜக நெருக்கத்தை வளர்க்கிறார். இப்போது அவர் மருத்துவமனைக்குச் செல்வதும், வெளியில் வரும் செய்திகளும் பாஜக பிரியாணி வாசனையைப் போல தெரிகிறது. மதிமுக – தவெகவுடன் கூட்டணி வைக்க வாய்ப்பு உள்ளது..’’ என்று தெரிவித்திருக்கிறார்.

இதற்கு மதிமுக என்ன பதில் சொல்கிறது என்று பார்க்கலாம்.