கரூர் விவகாரம் சிபிஐ விசாரணைக்கு மாற்றப்பட்டது
திமுகவுக்கு மிகப்பெரும் தோல்வி என்று விஜய் கட்சியினர் கொண்டாடிவருகிறார்கள். அதேநேரம்,
விஜய் வசமாக பாஜகவிடம் சிக்கிவிட்டார். ஒரே ஒரு சிபிஐ வழக்கு வைத்து அன்புமணியை ஆட்டிவைப்பது
போன்று விஜய்யைக் கூட்டணிக்கு இழுத்து வளைத்துவிடுவார்கள் என்று திமுகவினர் கிண்டல்
செய்கிறார்கள்.
அதேநேரம், திமுகவில் வில்சனுக்கு செம டோஸ்
விழுந்துவருகிறது. நீதிமன்றத்தில் மிகத்தெளிவாக இடைக்காலத் தீர்ப்பு வழங்கப்பட்டிருக்கும்
நிலையில், இந்த தீர்ப்புகள் எல்லாம் மாறலாம் என்று தெரிவித்தார். விலசன் இப்படி பொய்
பேசலாமா அல்லது வில்சனுக்குத் தெரிஞ்சது இம்புட்டுத்தானா என்கிறார்கள்.
பிஜேபியிடம் இருந்து விஜய் தப்பித்துவிடுவார்
என்று பேசும் விஜய் ரசிகர்கள் திமுகவை வெளுத்துக் கட்டுகிறார்கள். ‘’பிஜேபியிடம் அடிமையாக இருந்த நீங்கள் எங்களை பார்த்து அடிமை என்று
சொல்வதற்கு கேவலமாக இல்லையா? ஐயா வாஜ்பாய் அமைச்சரவையில் நாக்கை தொங்கப் போட்டுக்கொண்டு
அதிகாரத்தில் இருந்தது யார்?
1999 நாடாளுமன்றத் தேர்தல், 2001 சட்டமன்றத் தேர்தல் என்று பிஜேபியிடம் சரணடைந்து
கிடந்த நீங்கள் பேசுவதற்கு துளி அளவும் தகுதி கிடையாது. பிஜேபி என்ற கட்சியை
தமிழ்நாட்டில் வளர்த்து விட்டவார்களே நீங்கள்தான். குஜராத் கலவரத்தை எதிர்க்காமல்
மறைமுகமாக ஆதரித்து பேசியவர் கருணாநிதி.
குஜராத் கலவரத்திற்கு
பிறகுதான் மோடி அவர்களை மிகவும் நல்லவர் என்று சொன்னவர் ஐயா கருணாநிதி அவர்கள்.
பாபர் மசூதி இடிப்புக்கு பிறகுதான் பிஜேபியுடன் கூட்டணி வைத்தீர்கள். சிறுபான்மை
மக்களுக்கு பாதுகாவலர்கள் என்று இன்றுவரை ஏமாற்றிக் கொண்டிருக்கிறீர்கள். வெள்ளைக்
கொடை பிடித்து பிஜேயிடம் அடிமையாக இருந்த காலங்கள் நினைவில் இருக்கிறதா? எங்கள் கட்சியையும், எங்கள் தலைவரையும் இழிவாக கேலி சித்திரம் செய்து
விமர்சித்தால் நாங்களும் இழிவாக விசாரிப்போம். கொள்கையைக் காற்றில் பறக்க
விட்டுவிட்டு பிஜேபி, காங்கிரஸ்
என்று மாறி மாறி கூட்டணி வைத்து அதிகாரத்தை சுயநலத்திற்காக பயன்படுத்தி கொண்ட
நீங்கள் எங்களை பேசுவதற்கு அருகதை கிடையாது…’’ என்று அடித்து நொறுக்கிறார்கள்.
