கரூர் வழக்கு சிபிஐ விசாரிக்கலாம் என்று உச்சநீதிமன்றம் கூறியிருப்பது
விஜய் ரசிகர்களை ரிலாக்ஸ் ஆக்கியுள்ளது. சிறப்பு விசாரணைக் குழுவின் விசாரணை முழுக்க
முழுக்க விஜய் பக்கமே தவறு என்று குற்றம் சாட்ட வாய்ப்பிருக்கும் நிலையில் சிபிஐ வசம்
விசாரணை போயிருப்பது நல்லது என்றே கருதுகிறார்கள்.
சிபிஐ விசாரணை கிடைக்கும், இதன் மூலம் பாஜகவுக்கு அடிமையாக விஜய்
மாறவேண்டியிருக்கும். வேறு வழியில்லாமல் எடப்பாடி பழனிசாமியுடன் கூட்டணி வைக்க வேண்டும்
என்று தொடந்து சவுக்கு சங்கர் பேசிவருகிறார். அதோடு, வரும் 2026 தேர்தலில் விஜய் தனியே
நிற்பதைவிட அதிமுகவுடன் இணைந்து தேர்தலை சந்திக்க வேண்டும், தனியே நின்றால் காணாமல்
போய்விடுவார் என்று சவுக்கு சங்கர் தினமும் வீடியோவில் பேசிவருகிறார்.
இந்த நிலையில் விஜய்க்கு பாடம் எடுக்க வேண்டாம் என்று விஜய் ரசிகர்கள்
செம பதிலடி கொடுத்திருக்கிறார்கள். இதற்காக மாதம் 50 லட்சம் ரூபாய் சவுக்கு வாங்குவதாகவும்
கூறுகிறார்கள்.
இது குறித்து பேசும் விஜய் ரசிகர்கள், ‘’நீங்க எடப்பாடிய ஆதரிக்கிறீங்க
என அவருக்கே தெரியும். அவரை முதல்வராக்க நீங்க போராடுவது தெரிகிறது. தவெக தலைவர் விஜய்
இல்லாம எடப்பாடி முதல்வராக முடியாது என்ற உண்மை யதார்த்தம் உங்களுக்கு தெரியும். அதை
தினமும் உங்க வீடியோ பார்க்கும் போது தெளிவாக தெரிகிறது. அதனால் தான் தவெக கூட்டணிக்கு
வரவேண்டும் என்பது உங்க பேச்சுகளில் தெளிவாக தெரிகிறது.
விஜய் என்ன செய்ய வேண்டும், கருர்க்கு எப்போ செல்ல வேண்டும், எப்போது
மிண்டும் பிரச்சாரத்திற்கு செல்ல வேண்டும், யாரை கூட வைக்க வேண்டும் என சொல்ல நீங்க
யார் சார்? திமுக கூட்டணி கொத்தடிமை கட்சிகள் தினமும் விஜய் பாஜக கூட்டணிக்கு சென்றால்
தவெக அழிந்துவிடும் என பயத்தில் பிதற்றுவதற்கும், நீங்க தவெக அதிமுக கூட்டணிக்கு வரவில்லை
என்றால் தவெக காணாமல் போகும் என பிதற்றுவதற்கும் என்ன வித்தியாசம் சார்?
திமுக மற்றும் அதிமுக கொத்தடிமைகளை தினமும் விஜய் பித்து பிடித்து
அலைய வைத்தது தான் விஜயின் முதல் வெற்றி. இதுல பெரிய காமெடி என்னவென்றால் எடப்பாடி
பிரச்சாரத்திற்கு அதிமுகக்காரங்க கிட்ட தவெக கொடிய கொடுத்து பிறகு தவெக தொண்டர்கள்
அதிமுக கூட்டணி வேண்டும் என ஆசைப்படுறாங்க என பொய்யான நரேட்டீவ் செய்வது. நீங்க தான்
இந்த கேவலமான ஐடியா கொடுத்தீங்களா சார்? ஆக 75 மற்றும் 50 வருட பாரம்பரிய திராவிட கட்சிகளை
தூங்க விடாமல் செய்தது தான் தவெக வெற்றி. ஆக நீங்க தினமும் விஜய் அவர்களை பற்றி புலம்புவதை
பார்த்தா பாவமா இருக்கு’’ என்கிறார்கள்.
இப்படி வீடியோ போடுவதற்கு மாதம் 50 லட்சம் ரூபாய் சவுக்கு வாங்குகிறார்
என்று விஜய் ரசிகர்கள் விமர்சனம் செய்வதும் வைரலாகிவருகிறது.
