விஜய்காந்த் பாணியில் அரசியல் செய்வதே என்னுடைய வழி என்று பேசும்
நடிகர் விஜய் இப்படி கோழை போன்று ஓட் ஒளியலாமா என்று கேள்வி எழுப்பியிருக்கும் பிரேமலதாவால்
அரசியல் களம் சூடு பிடித்துள்ளது. டிடிவி தினகரனை அடுத்து பிரேமலதாவும் புது ரூட் போட்டுவருகிறார்.
நேற்றைய தினம் பிரேமலதா, ‘’கட்சி என்றால் தைரியம் இருக்க வேண்டும்.
வீரம் இருக்க வேண்டும். நம்மால் ஒரு குடும்பத்துக்கு பாதிப்பு என்றால் முதல் ஆளாக நிற்க
வேண்டும். விஜய் குறித்த நேரத்தில் அங்கு வரவே இல்லை. இது அவர் செய்த முதல் தவறு.
தவெக நிர்வாகிகள் தலைமறைவாக இருப்பதாக சொல்கிறார்கள். தலைக்கு
கத்தியா வரப்போகிறது? தூக்கிலா போடப் போகிறார்கள்? ஒரு கட்சி என்றால் தைரியம் இருக்க
வேண்டும். வீரம் இருக்க வேண்டும். நம்மால் ஒரு குடும்பத்துக்கு பாதிப்பு என்றால் முதல்
ஆளாக நிற்க வேண்டும். விஜய் குறித்த நேரத்தில் அங்கு வரவே இல்லை. இது அவர் செய்த முதல்
தவறு. உங்களை பார்க்கத்தானே குழந்தைகளை வைத்துக் கொண்டு தாய்மார்கள் உட்பட அனைவரும்
காலை முதல் சாலையில் நிற்கிறார்கள். அந்த பொறுப்பு வேண்டாமா?
7 மணிக்கு நிகழ்ச்சி என்றால் 7 மணிக்கு அங்கு இருக்க வேண்டும்.
நீங்கள் வீட்டில் இருந்தே தனி விமானத்தில்தான் வருகிறீர்கள். விஜயகாந்த் 150 படங்கள்
நடித்துள்ளார். படப்பிடிப்புக்கு அவர்தான் மேக்கப் உடன் முதல் ஆளாக வந்து நிற்பார்.
இந்த கடமை உணர்வை தவறுவிட்டிருக்கிறார் விஜய். அவர் படப்பிடிப்புக்கு சரியாக போய்விடுவார்.
ஆனால் அரசியலுக்கு இப்போதுதான் வந்திருக்கிறார். ஏன் அரசாங்கத்தையும், காவல்துறையும்
நம்பி நீங்கள் போகிறீர்கள்?
உங்களை நம்பி வந்த மக்களுக்கு நீங்கள் என்ன பாதுகாப்பு கொடுத்தீர்கள்?
உங்களை நம்பி வரும் தொண்டர்களுக்கு தண்ணீர், உணவு கொடுக்க வேண்டாமா? இது அவர் செய்த
அடுத்த தவறு. ஏதோ கூண்டுக்குள் புகுந்து கொள்வதை போல பேருந்துக்குள்ளேயே இருக்கிறார்.
உங்கள் அண்ணன் விஜயகாந்த் செய்த விஷயங்களை கற்றுக் கொண்டு செய்யுங்கள் விஜய்” என்று
அதிரடியாகப் பேசுகிறார்.
ஒரே நேரத்தில் விஜய் மற்றும் அரசாங்கத்தை பிரேமலதாவும் டிடிவி
தினகரனும் கேள்வி எழுப்பியிருப்பது புதிய அரசியல் ரூட்டாக மாறிவருகிறது. எல்லோரும்
விஜய் என்ற புள்ளியில் ஒன்றிணையப் போகிறார்களா..?
