திருவள்ளுவரை கூட விட்டுவைக்காத ஆளுநர் ஆர்.என்.ரவி!

காவி வேட்டி அணிந்த திருவள்ளுவர் படம் குறித்த விவகாரத்தால் தற்போது ஆளுநர் ஆர்.என்.ரவிக்கு எதிராக தற்போது சர்ச்சை வெடித்துள்ளது.

தமிழ்நாடு என்ற பெயரை தொடர்ந்து தமிழக அரசு கொண்டு வரும் திட்டங்களுக்கு ஆளுநர் ஆர்.என்.ரவி தொடர்ந்து முட்டுக்கட்டை போட்டு வருகிறார் என்று உச்சநீதிமன்றத்தில் வழக்கு ஏற்கனவே நிலுவையில் உள்ளது.

இந்நிலையில் உலகப்பொதுமறையாம் திருக்குறளை எழுதிய திருவள்ளுவரை காவி உடை அணிந்த வகையில் பொங்கல் வாழ்த்து தெரிவித்துள்ளார் தமிழக ஆளுநர் ஆர்.என்.ரவி. பொதுவாக திருவள்ளுவர் தமிழக அரசு பாடநூல்களிலும், பேருந்து உள்ளிட்ட அனைத்து இடங்களிலும் வெண்ணிற உடை அணிந்து காணப்படுவதுதான் வழக்கம். மதங்களுக்கும், சமயத்திற்கும் அப்பாற்பட்டு விளங்கி வரும் திருவள்ளுவருக்கு காவி வேட்டி அணிவித்து மத மற்றும் சமய சாயம் பூசுவது பெரும் கண்டனத்திற்குள்ளானது.