இந்த ஆண்டு (2024) நடைபெற உள்ள நாடாளுமன்ற தேர்தலில் எப்படியாவது மீண்டும் ஆட்சியை பிடித்துவிட வேண்டும் என்ற முனைப்புடன் பா.ஜ.க. செயல்பட்டு வருகிறது.
வெற்றியை நோக்கி நகர வேண்டும் என்ற எண்ணத்தில் பா.ஜ.க. தொடர்ந்து இந்தியா கூட்டணி குறித்தும் அதன் உறுப்பினர்கள் குறித்தும் பல்வேறு எதிர்மறை கருத்துகளை பதிவு செய்து வருகிறது. பா.ஜ.க.வின் 9 ஆண்டு கால ஆட்சி இந்தியாவை உலக நாடுகள் மத்தியில் தலைநிமிர செய்துள்ளது என்று பிரதமர் நரேந்திர மோடி பல்வேறு அரசு நிகழ்ச்சிகளில் பொது மக்கள் மத்தியில் பேசி வருகிறார்.
மேலும் இந்தியா கூட்டணியில் பிரதமர் வேட்பாளர் யார் என்ற பேச்சு எழுந்துள்ள நிலையில் அக்கூட்டணியில் இருந்து ஒரு சில கட்சிகள் பிரிந்து செல்வதால் அது பலவீனம் அடைந்து வருகிறது என்றும் பா.ஜ.க. தேசிய தலைவர் ஜே.பி.நட்டா தெரிவித்துள்ளார். எனவே வருகிற நாடாளுமன்ற தேர்தலில் 3வது முறையாக ஆட்சி அமைக்கும் என்ற கருத்து மேலோங்கியுள்ளது குறிப்பிடத்தக்கது.
