வாக்காளர் தீவிர சிறப்பு திருத்தம்… ஸ்டாலினுக்குத் தலைவலி..?

வரும் 2026 தேர்தலில் வாக்காளர் பட்டியல் தீவிர சிறப்பு திருத்தம் அடிப்படையில் தேர்தல் நடப்பது உறுதியாகியுள்ள நிலையில், ஆட்சியைப் பிடிக்க பாஜக பின்வாசலில் நுழைவதாக திமுகவினர் கொதிக்கிறார்கள்.

இதுகுறித்து பேசும் திமுகவினர், ‘’வாக்காளர் பட்டியல் சிறப்பு தீவிர திருத்தம் உள்நோக்கத்துடன் மேற்கொள்ளப்படுகிறது. வாக்காளர் பட்டியல் சிறப்பு தீவிர திருத்த நடவடிக்கையை ஒத்திவைக்க வேண்டும் என்று தமிழக தலைமை தேர்தல் அதிகாரியிடம் கோரியுள்ளோம். பீகாரை போன்று தமிழகத்தில் வாக்காளர் பெயர்களை நீக்கப்படும் என்ற அச்சம் உள்ளது.

வாக்காளர் பட்டியல் சிறப்பு தீவிர திருத்தத்தை எந்த கட்சியும் முழுமனதோடு ஏற்கவில்லை. தமிழகத்தில் வாக்காளர் பட்டியல் சிறப்பு தீவிர திருத்தத்தை ஏற்க மாட்டார்கள். உண்மையான வாக்காளர்கள் பட்டியலில் விடுபடக்கூடும். முகவரி இல்லாமல் இருப்பவர்களும் வாக்காளர் பட்டியலில் இருக்க மாட்டார்கள்..’’ என்கிறார்.

அதேநேரம் அதிமுகவை சேர்ந்த மாஜி அமைச்சர் ஜெயக்குமார், ‘’தமிழகத்தில் தற்போது வாக்காளர் பட்டியலில் உள்ள குளறுபடி தொடர்பாக தேர்தல் அதிகாரியிடம் புகார் அளித்துள்ளோம். எஸ்ஐஆர்-ஐ நீட்டிக்க பிரிசீலனை செய்ய வேண்டும்’’ என்றார்.

இந்த விஷயத்தில் வாக்காளர் பட்டியல் தீவிர சிறப்பு திருத்தம் அவசர கோலத்தில் அறிவிக்கப்பட்டுள்ளது. இதுகுறித்து முன்கூட்டியே கருத்து கேட்டிருக்க வேண்டும்.  வாக்காளர் பட்டியல் சிறப்பு தீவிர திருத்தம் உள்நோக்கத்துடன் மேற்கொள்ளப்படுகிறது. வாக்காளர் பட்டியல் சிறப்பு தீவிர திருத்த நடவடிக்கையை ஒத்திவைக்க வேண்டும். பீகாரை போன்று தமிழகத்தில் வாக்காளர் பெயர்கள் நீக்கப்படும் என்ற அச்சம் உள்ளது. வாக்காளர் பட்டியல் சிறப்பு தீவிர திருத்தத்தை எந்த கட்சியும் முழுமனதோடு ஏற்கவில்லை என்று கொதிக்கிறார்கள்.

நடிகர் விஜய் இதனை எதிர்த்திருக்கும் நிலையில், அண்ணாமலை கடுமையாக ஸ்டாலினை விமர்சனம் செய்திருக்கிறார். இப்போதே தோல்விக்குக் காரணம் தேடுவதாக குற்றம் சாட்டியிருக்கிறார்.

இதற்காக அனைத்துக் கட்சிக் கூட்டம் கூட்டி எதிர்ப்பைத் தெரிவிக்க ஸ்டாலின் முடிவு எடுத்திருக்கிறார். ஆனால், ஸ்டாலின் எதிர்ப்பை தேர்தல் கமிஷன் ஏற்பதற்கு வாய்ப்பு இல்லை. எனவே சிறப்பு சீர்திருத்தம் நடைபெறப் போவது உறுதி என்றே தெரிகிறது.