டிடிவி தினகரனுக்கு விஜய் ஆப்பு… மீண்டும் பாஜக ரிடர்ன்..?

அண்ணாமலையின் ஆதரவாளராக இருந்த டிடிவி தினகரனுக்கு இப்போது நேரம் சரியில்லை. நயினார் நாகேந்திரன் தலைமைப் பொறுப்புக்கு வந்தபிறகு பாஜகவில் அவருக்கு உரிய மரியாதை கிடைக்கவில்லை. எனவே, அந்த கூட்டணியில் இருந்து வெளியே வந்து விஜய் கூட்டணியில் இணைய முடிவெடுத்தார். ஆனால், அங்கேயும் அவருக்கு கதவடைப்பு செய்யப்பட்டிருப்பதாக வந்திருக்கும் செய்தி அமமுகவினரை விரக்தியில் ஆழ்த்தியுள்ளது.

கரூர் கூட்ட நெரிசலுக்கு தவெகவையும் விஜய்யையும் பல கட்சிகளும் குறை கூறிய நிலையில், அதிமுக, பாஜக கட்சிகள் விஜய் மீது தவறு இல்லை என்று கூறி வந்தன. இதனால், அதிமுக கூட்டணிக்கு விஜய் செல்வார் என்று பேச்சுகள் எழுந்தன. ஆனால், தவெக பொதுக்குழு கூட்டத்தில் விஜய் தான் முதல்வர் வேட்பாளர் என நிறைவேற்றப்பட்ட தீர்மானத்தால் அதிமுக, பாஜக கட்சிகள் ஏமாற்றம் அடைந்துள்ளன.

டிடிவி தினகரன் எப்படியும் விஜய்யுடன் கூட்டணி அமைத்துவிடலாம் என்று கனவு கண்டார். அவருடன் பேச்சுவார்த்தை நடத்துவதற்கு டிடிவி தினகரனின் தூதர் விஜய்யை சந்தித்துப் பேசியிருக்கிறார். அப்போது, தேர்தல் நெருக்கத்தில் பார்க்கலாம், இப்போது கூட்டணி பேசுவதற்கு அவசியம் இல்லை என்று முகத்தில் அடித்தது போன்று சொல்லிவிட்டாராம்.

விஜய்யை நம்பி பாஜக கூட்டணியையும் பகைத்துக்கொண்டார் டிடிவி தினகரன். இன்றைய நிலையில் விஜய்யும் இல்லாமல் பாஜகவும் இல்லாமல் தனி மரமாக நிற்கிறார்.  

பன்னீரின் ஆட்கள் அனைவரும் நேரடியாக திமுகவில் சேர்ந்துவருகிறார்கள். அங்கேயும் இப்போது டிடிவி தினகரனால் போக முடியாது. கடந்த தேர்தலில் கிட்டத்தட்ட 20 தொகுதிகளில் அதிமுக தோல்விக்குக் காரணமாக  டிடிவி தினகரன் இருந்தார். இந்த தேர்தலில் தினகரனும் பன்னீர்செல்வமும் சேர்ந்து தனி அணியாக இருப்பார்களா அல்லது எப்படியாவது பாஜக கூட்டணியில் சேர்வார்களா என்பது விரைவில் தெரிந்துவிடும்.