எஸ்.ஐ.ஆர்.க்கு எதிர்ப்பாக திமுக தொடர்ந்து குரல் கொடுத்துவருகிறது
என்றாலும் அதேநேரம் களத்திலும் தீவிரம் காட்டிவருகிறது. இந்நிலையில் நடிகர் விஜய்வாக்காளர்
பட்டியல் சரிபார்ப்பு பணிகள் (SIR) குறித்து வெளியிட்டுள்ள ஒரு வீடியோ, தமிழக அரசியல்
மற்றும் பொதுமக்களிடையே பெரும் அதிர்வலைகளை ஏற்படுத்தியுள்ளது.
SIR எப்படிப்பட்ட மோசடி என்று விளக்கும் வகையில் தேர்தல் ஆணையத்துக்கு
ஆறு பக்க கடிதம் எழுதினார். அதோடு மக்கள் மன்றத்தில் இந்த மோசடியை விவரிக்க மாவட்ட
தலைநகரங்களில் இன்றைய தினம் ஆர்ப்பாட்டம் நடத்தப்படுகிறது. 9 நிமிட விழிப்புணர்வு காணொளி மூலம் உங்கள் வாக்குகள்
பறிபோகலாம் என்று எச்சரிக்கை செய்திருக்கிறார்.
இதையடுத்து விஜய் கட்சியின் நிர்வாகிகள் அனைவரும் வீட்டுக்கு வரும்
பி.எல்.ஓ.க்களிடம் மல்லுக்கட்டுவார்கள் என்று எதிர்பார்க்கப்படுகிறது. இப்போது பி.எல்.ஓ.க்களுடன்
திமுகவைச் சேர்ந்த நபர்கள் மட்டுமே வருகிறார்கள். யாருக்கு ஓட்டு இருக்கிறது என்பதைப்
பார்த்து பாரங்களைக் கொடுத்து, அதை நிரப்புவதற்கும் உதவி செய்கிறார்கள்.
இதில் அதிமுகவும் சுணக்கமாகவே உள்ள நிலையில், இன்று முதல் விஜய்
ரசிகர்கள் உள்ளே புகுந்து பஞ்சாயத்து செய்யப்போகிறார்கள், களேபரம் நடக்கப்போகிறது என்று
அரசியல் விமர்சகர்கள் எச்சரிக்கை செய்கிறார்கள். ஏனென்றால், இன்றைய விஜய் நிர்வாகிகளுக்கு
பி.எல்.ஓ.க்கள் பணிகளும் தெரியாது, பி.எல்.ஏ.2 பணிகளும் தெரியாது.
அறைகுறை அறிவோடு போராட்டம், மல்லுக்கட்டு என்று நடத்தினால் என்ன
ஆகுமோ என்று அரசு ஊழியர்கள் கதிகலங்கி நிற்கிறார்கள்.
