தொழிலாளர் சட்டத்துக்கு வெண்குடை வேந்தர் ஸ்டாலின் கப்சிப். கண்சிவக்கும் கம்யூனிஸ்ட்கள்

மத்திய தொழிலாளர் மற்றும் வேலைவாய்ப்பு அமைச்சகம் கடந்த வாரம் 4 முக்கிய தொழிலாளர் சட்டத் தொகுப்புகளை  வெளியிட்டது.  29 தொழிலாளர் சட்டங்களை ஒருங்கிணைத்து இந்த சட்டத் தொகுப்பு உருவாக்கப்பட்டுள்ளது.  இதிலுள்ள பல்வேறு அம்சங்கள் தொழிலாளர்களின் நலனுக்கு விரோதமாக இருப்பதாக கூறி இடதுசாரி கட்சிகளும், தொழிற்சங்கங்களும் எதிர்ப்பு தெரிவித்து வருகின்றன. ஆனால், திமுக தலைவர் ஸ்டாலின் இதுவரை அமைதி காப்பது பெரும் அதிர்வுகளை ஏற்படுத்தியிருக்கிறது.

போராட்டம் அறிவிப்பதற்கு கம்யூனிஸ்ட் கட்சிகள் திட்டமிட்டு வருகின்றன. பாஜக அரசின் புதிய தொழிலாளர் சட்டத்தில் உள்ள ஊதியச் சட்டத் தொகுப்பு எவ்வாறு தொழிலாளிகளை பாதிக்கும் என்ற விளக்கம் என்று தெரிவிக்கிறார்கள். . ஊதியம் புதிய வரையறை புதிய வரையறையின்படி, அடிப்படைச் சம்பளம் மற்றும் பஞ்சப்படி மட்டுமே ஊதியமாகக் கருதப்படும். வீட்டு வாடகைப்படி, ஓவர் டைம், போனஸ், பயணப்படி போன்றவை ‘ஊதிய’ வரையறையிலிருந்து நீக்கப்பட்டுள்ளன. ஊதியம் வழங்கப்படாதது தொடர்பான வழக்குகளில், தொழிலாளிக்கு அடிப்படைச் சம்பளம் மட்டும் கிடைக்குமே தவிர, இதர படிகள் சட்டப்பூர்வ உரிமையாகக் கிடைக்காது.

குறைந்த பட்ச ஊதியம் – வெறும் பரிந்துரை மட்டுமே குறைந்தபட்ச ஊதிய ஆலோசனைக் குழுவின் பரிந்துரைகள் அரசை எவ்விதத்திலும் கட்டுப்படுத்தாது. மேலும் நிறுவனத்தின் கணக்குகளை ஆராயத் தடை போனஸ் கணக்கீட்டிற்காக, ஒரு நிறுவனம் லாபத்தில் இயங்குகிறதா என்பதை அறிய, அதன் தணிக்கை செய்யப்பட்ட தொழிற்சங்கங்கள் சரிபார்க்கும் உரிமை இருந்தது. அந்த உரிமை இப்போது பறிக்கப்பட்டுள்ளது. முதலாளி சொல்வதுதான் கணக்கு.

இந்திய தொழிலாளி வர்க்கம் 150 ஆண்டு காலம் போராடி பெற்ற ஊதியப் பாதுகாப்பு, வேலைப் பாதுகாப்பு, சமூகப் பாதுகாப்புகளை உள்ளடக்கிய 29 சட்டங்களை நான்கு தொழிலாளர் சட்ட தொகுப்புகளாக மாற்றியதால்  தொழிலாளர்கள் பாதிக்கப்படுவதாக  இடதுசாரி கட்சிகள் எதிர்ப்பு தெரிவித்து வருகின்றன.

மத்திய அரசின் செயல்பாடுகளை தொடர்ந்து எதிர்த்துவரும் தமிழக அரசு, இதைப்பற்றி இதுவரை கருத்து எதையும் தெரிவிக்காதது இடதுசாரி கட்சிகள் மத்தியில் அதிருப்தியை ஏற்படுத்தி வருகிறது.

தொழிலாளர்களை பாதிக்கும் சட்டத்துக்கு எதிராக தமிழக அரசு குரல் கொடுக்காமல் இருந்தால், அடுத்த சட்டமன்ற தேர்தலில் தொழிலாளர்களின் வாக்குகளை பெறுவது கடினம் என்று இடதுசாரி கட்சித் தலைவர்கள் நினைக்கிறார்கள்.

இந்த சட்டத் தொகுப்புகளை வாபஸ் பெற மத்திய அரசிடம்   முதல்வர் வலியுறுத்த வேண்டும் என்றும், அடுத்த சட்டமன்ற கூட்டத்தொடரிலாவது இதற்கு எதிராக தீர்மானம் கொண்டுவர வேண்டும் என்றும் அவர்கள் திமுகவுக்கு நெருக்கடி கொடுத்து வருகின்றனர்.

ஆனால், வெண்குடை வேந்தர் இது குறித்து வாய் திறக்கவே இல்லை. கம்யூனிஸ்ட் கட்சியின் கடும் கோபத்தில் இருக்கிறார்கள். தொழிலாளர் சட்டம் கூட்டணியை உடைக்குமா என்று பார்க்கலாம்.