தைரியம் இருந்தால் என் தலைவன் மேல கையை வைச்சுப் பாருங்க… ஆயுத
எழுத்து படத்தில் போன்று அரசியல் புரட்சி நடக்கும் என்று தவெக மேடையில் ஆதவ் அர்ஜூனா
கொந்ந்தளிப்பு விவகாரம், அவரது கட்சியினரிடையே நிறைய கேள்விகளை எழுப்பியிருக்கிறது.
விஜய்யை விட தன்னை முன்னிலைப்படுத்தவே இந்த மேடையை ஆதவ் பயன்படுத்திக்
கொள்கிறார் எனவும், இதற்கு முன்பு திமுகவில் இருந்தும் விடுதலை சிறுத்தைகள் கட்சியில்
இருந்தும் விரட்டப்பட்டது போன்று, தவெகவில் இருந்து வெளியே அனுப்பவில்லை என்றால் கட்சிக்கு
ஆபத்து என்று விஜய் ரசிகர்களே புலம்புகிறார்கள்.
அவர் திமுகவை ஆட்சியில் அமரவைத்ததாகப் பேசியிருந்தார். இது குறித்து
பேசும் அரசியல் விமர்சர்கள், ‘’திமுக தேர்தல் வெற்றிக்கு OMG என்ற One Minded
Generation குழு வேலை செய்தது. அந்த குழுவில் ஒருவராக ஆதவ் இருந்தார் என்பது மட்டுமே
உண்மை. லாட்டரி மருமகன் என்ற அந்தஸ்திலேயே பேஸ்கட் பால் விளையாட்டு குழு மூலம் அரசியல்
அங்கீகாரம் பெற்று ஸ்டாலின், உதயநிதி, சபரீசன் ஆகியோர் மூலம் அணுக முடிந்தது. அரசியல்
பதவிக்கு ஆசைப்பட்டார். அதற்கு வாய்ப்பு இல்லை என்றதும் அங்கிருந்து வெளியேறினார்.
விசிகவில் நுழைந்து திருமாவை முதல்வராக்குவோம் என்று பேசி கைதட்டல்கள்
வாங்கினார். அங்கு திருமாவை தாண்டி அரசியல் செய்த காரணத்தால் கழுத்தைப் பிடித்து வெளியேற்றப்பட்டார்.
இப்போது விஜய்யுடன் ஒட்டி உறவாடி, அந்த கூட்டத்தின் முக்கிய நபராக தன்னைக் காட்டிக்கொண்டு
இருக்கிறார்.
இவர் டெல்லிக்கு ஓடிப்போனது, காங்கிரஸ் வழக்கறிஞரைப் பிடித்து
வழக்கு நடத்தினார். இதற்கான ஸ்கெட்ச் பாஜக போட்டுக் கொடுத்ததாக சொல்லப்படுகிறது. விஜய்யை
தன்னுடைய இஷ்டத்துக்கு ஆட்டி வைக்கும் பொம்மையாக மாற்றி வருகிறார் ஆதவ் அர்ஜூனா.
விஜய் விரைவில் சுதாரிக்கவில்லை என்றால் நிரந்தர பொம்மையாகிவிடுவார்.
மேடையில் வந்து வசனம் பேசிவிட்டு வீட்டுக்குள் இருப்பார். கட்சியை ஆதவ் கவனித்துக்கொள்வார்.
ஜெயலலிதாவுக்கு சசிகலா போன்று ஆதவ் மாறுவதற்கு முன்பு வெளியேற்றுங்கள் என்று விஜய்
ரசிகர்கள் தொடர்ந்து வேண்டுகோள் வைக்கிறார்கள்.
