தவெகவில் சேர்ந்த கையோடு கோவைக்கு வந்த செங்கோட்டையனுக்கு விமான
நிலையத்தில் செம வரவேற்பு கிடைத்திருக்கிறது. இதை எதிர்பார்க்காத செங்கோட்டையன் குஷியாகியிருக்கிறார்.
இந்நிலையில் நாளை கோபிசெட்டிப்பாளையத்தில் இபிஎஸ் மாபெரும் பொதுக்கூட்டம் நடத்துகிறார்.
இதில் செங்கோட்டையனுக்கு செம ரெய்டு விழும் என்கிறார்கள்.
இதுகுறித்துப் பேசும் அதிமுகவினர், ‘’கோவையில் செங்கோட்டையன் ஆண்டவர்களே
மீண்டும் மீண்டும் ஆள வேண்டுமா என்று ஒரு கேள்வி எழுப்பியிருக்கிறார். ஒரே தொகுதியில மீண்டும் மீண்டும் 9 முறை எம் எல்
ஏ வாகவும், அமைச்சராவும் இருந்த ஒருவர் இப்படி கேட்கிறார் என்றால் என்ன அர்த்தம்..?
இத்தனை முறை செங்கோட்டையனை எம்எல்ஏவாக்கி அழகுபார்த்த இயக்கம்.
தாயின் மடியில் பால் தீர்ந்த பிறகு அறுத்து எறிவதும்… மாற்றுக் கட்சிக்கு சென்று
உன்னை வளர்த்த கட்சி ஐ அழிப்பேன் என்று சொல்வதும் ஒன்றுதான்.
புரட்சித்தலைவி அம்மா படத்தை போட்டுக்கொண்டு அம்மாவின் சமாதியில்
ஆசி பெற்று அம்மாவின் கட்சியை அழிப்பேன் என்று சபதம் எடுப்பது அம்மாவின் ஆத்மா ஏற்றுக்கொள்ளுமா…?
கடைக்கோடி தொண்டனின் பார்வையில் எத்தனை மணி நேரம் விளக்கம் கொடுத்தாலும் இதுதான் உங்களுக்கு
பொருத்தமாக இருக்கும் 45 ஆண்டு காலம் உன் வெற்றிக்காக உழைத்த தொண்டர்கள் உனக்காக வீடு
வீடாக வாக்கு சேகரித்தவர்கள் குறிப்பாக கோபிசெட்டிபாளையத்தில் மூன்று தலைமுறை மனிதர்கள்
வாக்களித்து இருப்பார்கள் வெற்றி பெற செய்தார்கள்
சட்டமன்ற உறுப்பினராக பதவி கொடுத்து அழகு பார்த்த இயக்கத்தையே
கால் செருப்புக்கு சமம் என்று தூக்கி எறிந்து விட்டு வந்தார் நம்மிடத்திலே எப்படி விசுவாசமாக
இருப்பார் என்று விஜய் சிந்திக்க வேண்டும். துரோகத்திற்கு முக்கியத்துவம் கொடுப்பதை
விட ரசிகனுக்கு கொடுக்கலாம். இவரது துரோகத்தை நாளை இபிஎஸ் அம்பலப்படுத்துவார் என்கிறார்கள்.
எம்ஜிஆர் காலத்தில் இருந்து செங்கோட்டையன் அதிமுகவில் இருக்கிறார்.
50 ஆண்டுகளுக்கும் மேல் அரசியல் அனுபவம் கொண்டவர். ஆகவே, செங்கோட்டையன் தவெகவில் சேரும்போது,
அதிமுகவிலிருந்து மாவட்ட, ஒன்றிய மற்றும் கிளை அளவில் நூற்றுக்கணக்கான நிர்வாகிகள்
மற்றும் ஆயிரக்கணக்கான தொண்டர்கள் வருவார்கள் என்று தவெக தரப்பில் எதிர்பார்ப்பு நிலவியது.
அதற்காக அக்கட்சியின் பனையூர் அலுவலகத்திலும் திருமண மண்டபங்களிலும் தடபுடலாக ஏற்பாடுகள்
மேற்கொள்ளப்பட்டிருந்தன.
ஆனால், ஒரே ஒரு பஸ்ஸில் 32 பேர் மட்டுமே செங்கோட்டையனுடன் தவெகவில்
இணைந்தனர். இவர்கள் எல்லோருமே கட்சி நடவடிக்கைக்கு ஆளாகி அதிமுகவில் இருந்து வெளியேற்றப்பட்டவர்கள்.
இப்போது, பொறுப்பில் இருக்கும் வட்டச் செயலாளர், கிளைச்செயலாளர், நகரச் செயலாளர் என
ஒருவர் கூட செங்கோட்டையனை நம்பிச் செல்லவில்லை. 50 பேரையாவது விஜய் கட்சிக்கு கூட்டிச்
சென்றுவிட வேண்டும் என்று செங்கோட்டையன் கடுமையாக முயற்சி செய்தாலும், ஒரே ஒரு கவுன்சிலரைக்
கூட அவரால் கூட்டிச் செல்ல முடியவில்லை.
அதனால் செங்கோட்டையனுடன் சென்றவர்களுக்கு விஜய் அலுவலகத்தில் எந்த
மதிப்பும், மரியாதையும் தரப்படவில்லை. அதோடு செங்கோட்டையன் பேட்டி கொடுத்த நேரத்தில்
அவருடன் வந்த சத்தியபாமா எம்.பி.க்குக்கூட சேர் கொடுக்காமல் அவமதிப்பு செய்தார்கள்.
இப்படிப்பட்ட சுயநல மனிதரை நம்பி வந்துவிட்டோம் என்ற மனநிலையை செங்கோட்டையன் ஆதரவாளர்களிடம்
பார்க்க முடிந்தது.
இந்நிலையில் 30ம் தேதி இபிஎஸ் நடத்தும் பொதுக்கூட்டம் மெகா சக்சஸ்
ஆகிவிட்டால் தனது அரசியலுக்குச் சிக்கல் என்பதால் நேரடியாக கோபிசெட்டிப்பாளையம் வந்திருக்கும்
செங்கோட்டையன் பல நிர்வாகிகளிடம் கெஞ்சத் தொடங்கியிருக்கிறார்.
செங்கோட்டையன் போன் செய்தால் அதிமுகவினர் யாரும் எடுப்பதில்லை
என்பதால் வேறு எண்ணில் இருந்து பேசும் செங்கோட்டையன் விஜய் கட்சியில் பெரிய பதவி என்று
ஆசை காட்டி பேசியும் யாரும் மசியவில்லை.
அதேநேரம் செங்கோட்டையனுடன் விஜய் கட்சி மாறிய 32 பேரில் 12 பேர்
வரும் 30ம் தேதி மீண்டும் அதிமுகவில் இணைவதற்குப் பேச்சுவார்த்தை நடத்தி வருகிறார்கள்.
இதற்கு எடப்பாடியார் இன்னமும் அனுமதி கொடுக்கவில்லை. அவர்கள் மீண்டும் எடப்பாடி பழனிசாமி
முன்னிலையில் கட்சியில் இணைந்துவிட்டால் செங்கோட்டையனின் ஒட்டுமொத்த இமேஜும் டேமேஜ்
ஆவது உறுதி.
