பீகார் தேர்தல் முடிவுகள் வெளியாகிவருகின்றன. பாஜகவும் நிதிஷ்குமாரின்
ஐக்கிய ஜனதா தளமும் பெரும்பான்மை இடங்களில் முன்னிலையில் இருக்கின்றன. அதேநேரம், காங்கிரஸ்
கட்சி மிகவும் மோசமாக பின் தங்கியிருப்பதுதான் தோல்விக்கு முக்கிய காரணமாக இப்போது
குற்றம் சாட்டப்படுகிறது.
பீகாரில் மாநில கட்சியாக இருக்கும் லோக் ஜன் சக்தி கட்சியை விட
மோசமான இடத்தில் உள்ளது காங்கிரஸ் கட்சி லோக்ஜன் சக்தி கட்சி 10 இடங்களுக்கு மேல் முன்னிலையில்
உள்ள நிலையில் காங்கிரஸ் கட்சியால் ஐந்து இடங்களில் கூட முன்னிலை பெற முடியவில்லை
பீகாரில் இளைஞர்கள், மைனாரிட்டி ஓட்டுகளை பிரசாந்த் கிஷோர் பிரித்ததால்
பல தொகுதியில் லாலு காங்கிரஸ் கூட்டணி பெருத்த சேதாரம். குறிப்பாக முஸ்லிம் அதிகம்
உள்ள தொகுதிகளில் கூட பாஜக கூட்டணி முன்னிலையில் உள்ளன.
பீகார் மாநிலத்தில் உண்மையான போட்டி பாஜக மற்றும் நிதீஷ் குமாரின்
ஐக்கிய ஜனதா தளம் கட்சிகள் இடையே தான் போல இரண்டு கட்சிகளும் போட்டி போட்டுக் கொண்டு
முன்னிலையில் இருக்கிறார்கள் இந்த இரண்டு கட்சிகள் மட்டுமே பெரும்பான்மைக்கு தேவையான
இடங்களில் முன்னிலையில் இருக்கின்றனர்.
இந்த தேர்தலில் ஆளும் தேசிய ஜனநாயக கூட்டணிக்கும், மகா கூட்டணிக்கும்
இடையே நேரடி போட்டி நடந்தது. தேசிய ஜனநாயக கூட்டணியில் பாஜக, ஐக்கிய ஜனதா தளம், லோக்
ஜன சக்தி (ராம் விலாஸ்), ராஷ்டிரிய லோக் மோர்ச்சா, இந்துஸ்தானி அவாம் மோர்ச்சா ஆகிய
கட்சிகள் இடம்பெற்றன.
மகா கூட்டணியில் ராஷ்டிரிய ஜனதா தளம், காங்கிரஸ், விஐபி, கம்யூனிஸ்ட்
கட்சிகளும் உள்ளன. இதுதவிர, தேர்தல் வியூக நிபுணர் பிரசாந்த் கிஷோரின் ஜன் சுராஜ்,
ஓவைசியின் ஏஐஎம்ஐஎம் கட்சி, பகுஜன் சமாஜ், ஆம் ஆத்மி உள்ளிட்ட கட்சிகள் தனித்துப் போட்டியிட்டன.
இந்த நிலையில் காங்கிரஸ் கட்சியின் பரிதாப தோல்வியாலே தேஜஸ்வி
யாதவ் கட்சிக்கும் சிக்கல் நேர்ந்திருப்பது உறுதியாகத் தெரிகிறது. இங்கு வெற்றி கிடைத்தால்
தமிழக தேர்தலில் அதிகம் சீட் வாங்கலாம் என்று ஆசையாக இருந்த காங்கிரஸ் கட்சியினர் கப்சிப்
என்று அடங்கிக் கிடக்கிறார்கள். இதனால் திமுக இந்த தோல்வியை ஸ்வீட் எடுத்து கொண்டாடுகிறது.
