குறிப்பிட்ட நேரத்தில் விஜய் வந்திருந்தால் கரூரில் யாருக்கும்
எந்த பாதிப்பும் நேராது என்பதுதான் எல்லோரும் சொல்லும் தகவல். அரசியல் என்றால் எப்போதும்
லேட் ஆக வரும் விஜய், ஜனநாயகன் சினிமா சிங்கிள் மட்டும் சரியான நேரத்தில் ரிலீஸ் செய்து,
ரசிகர்களை குஷிப்படுத்தியிருக்கிறார்.
ஹெச்.வினோத் இயக்கத்தில் விஜய் நடிக்கும் ‘ஜனநாயகன்’ திரைப்படம்
வரும் ஜனவரி 9 அன்று வெளியாகும் என்று அறிவிக்கப்பட்டுள்ளது. இப்படத்துக்கு அனிருத்
இசையமைத்துள்ளார். பாடலை தெருக்குரல் அறிவு எழுதியிருக்கும் நிலையில், நடிகர் விஜய்
பாடியிருக்கிறார்.
‘தளபதி கச்சேரி’ எனத் தொடங்கும் முதல் பாடல் நேற்று மாலை சரியாக
சொல்லப்பட்ட நேரத்துக்கு 6.03-க்கு வெளியானது. இப்பாடலில் இடம்பெற்றுள்ல வரிகள் அனைத்தும்
விஜய்யின் அரசியல் வருகையை மறைமுகமாக குறிப்பிடும் வகையில் அமைந்துள்ளது.
அதோடு இப்பாடல் துள்ளலுடனும், ஒரு வைப் கொடுக்கும் வகையிலும் அமைந்துள்ளது.
மேலும், விஜய் நடிப்பில் வெளியான ஹிட் படங்களின் பாடல்களை மீண்டும் நினைவுக்கு கொண்டு
வரும் வகையில் உள்ளது. மொத்தத்தில், இது விஜய் ரசிகர்களுக்கு ஒரு வைப் கொடுக்கும் பாடலாக
அமைய வாய்ப்புள்ளது. முதல் ஏழு நிமிடத்தில் ஒரு லட்சம் லைக் அள்ளிய இந்த பாடம் இப்போது
1 கோடி லைக்ஸ் தாண்டி போய்க்கொண்டிருக்கிறது.
இந்த பாடலில் விஜய் பிரசாரத்துக்கு வந்த கூட்டம் பயன்படுத்தப்பட்டுள்ளது
என்று சொல்லப்படுவது உண்மை இல்லை என்று சொல்லப்படுகிறது.
இந்த ஃபங்ச்சுவாலிட்டியை அரசியலிலும் விஜய் கடைப்பிடிப்பாரா..?
