இதற்குத்தானா ஆசைப்பட்டாய் செங்கோட்டையா..? விஜய் ரசிகர்களுக்கு குஷி

விஜய் கட்சிக்கு செங்கோட்டையன் வந்தே சேர்ந்துவிட்டார். செங்கோட்டையனுக்கு தமிழக வெற்றிக்கழக தலைவர் விஜய் பொன்னாடை போர்த்தி பூங்கொத்து வழங்கி வாழ்த்துக்களும் வணக்கம் தெரிவித்திருக்கிறார். அதோடு செங்கோட்டையனுக்கு தமிழக வெற்றிக் கழகத்தின் மஞ்சள் சிகப்பு துண்டை அணிவித்து வரவேற்றார்.

விஜய் தமிழக வெற்றி கழகத்தின் கட்சி உறுப்பினர் அட்டையை தனது கை சட்டை பாக்கெட்டில் வைத்துக்கொண்டார் செங்கோட்டையன். தவெகவில் செங்கோட்டையனுக்கு நிர்வாகக் குழுவை வழிநடத்தும் ஒருங்கிணைப்பாளர் பதவி வழங்கப்படுகிறது. அத்துடன் கொங்கு மண்டல பொறுப்பாளர் பதவியும் செங்கோட்டையனுக்கு வழங்கப்படுகிறது.

கொங்கு மண்டலத்தின் வெற்றியை செங்கோட்டையன் உறுதி செய்ய வேண்டும் என்றும் அதற்கான பணிகளை வியூக வகுப்பாளர் ஜான் ஆரோக்கியசாமி, ஆதவ் அர்ஜூனா ஆகியோருடன் கலந்தாலோசித்து முடிவெடுப்பார் என்றும் கூறப்பட்டுள்ளது. அதேநேரம், செங்கோட்டையன் நேரடியாக விஜய்க்கு ரிப்போர்ட் செய்தால் போதும் என்று கூறியிருக்கிறார்.

செங்கோட்டையன் இணைப்பு அதிமுக நிர்வாகிகளை அதிர வைத்திருக்கிறது. ஒருங்கிணைப்பு என்று குரல் கொடுத்துவிட்டு இப்படி விஜய் கட்சியில் சேர்ந்தது நியாயமா என்று கேட்கிறார்கள்.

மேலும் அவர்கள், ‘’செங்கோட்டையன் அதிமுகவில் கடந்த ஒரு வருடமாக கலகக்குரலோடு பனிப்போர்தான் நடத்தி வந்தார். திடீரென்று ஒருநாள் அதிமுக ஒன்றிணைய வேண்டும் என்றார்.இல்லாவிட்டால் நானே அதிமுகவை ஒன்றிணைப்பேன் என்று மார்தட்டினார்.

திடீரென்று பன்னீரையும் தினகரனையும் சந்தித்தார். நாங்க மூன்று பேரும் சேர்ந்து சின்னம்மாவோடு அதிமுகவை ஒன்றிணைப்போம் என்றார். டெல்லி வரை சென்று பாஜக தலைவர்களை எல்லாம் சந்தித்தார். அவரின் எந்தப்படமும் ஓடாததால் நன்றாக நடிப்பு கற்றுக்கொள்வதற்காக நடிப்பு பகவான் விஜய் அண்ணாவிடம் சேர்ந்திருக்கிறார். மூத்த தலைவரிடம் இந்த சின்ன புத்தியா?’’ என்று கடுமையாக எதிர்க்கிறார்கள்.