முதல்வர் ஸ்டாலினால் கடந்த ஆகஸ்ட் மாதம் வழங்கப்பட்ட 2,538 பணி
நியமன ஆணைகளில் சிலருக்கு லஞ்சம் வாங்கிக்கொண்டு வேலை கொடுத்தற்கான ஆதாரம் இருப்பதாக
தமிழக காவல்துறைக்கு அமலாக்கத் துறை கடிதம் எழுதியுள்ளது. இதன் அடிப்படையில் அமைச்சர்
நேருக்கு சிக்கல் ஆரம்பமாகியுள்ளது. தேர்தல் நேரத்தில் அமைச்சர் நேரு சிறைக்குப் போவார்
என்று சொல்லப்படுகிறது.
நகராட்சி நிர்வாகம் மற்றும் குடிநீர் வழங்கல் துறைகளில் புதிதாக
2,538 பேருக்கு முதல்வர் ஸ்டாலின் கடந்த ஆகஸ்ட் 6-ம் தேதி பணி நியமன ஆணைகளை வழங்கினார்.
இதில் பலருக்கும் லஞ்சம் வாங்கிக்கொண்டு வேலை கொடுத்ததற்கான ஆதாரம் இருப்பதாக தமிழக
காவல்துறைக்கு அமலாக்கத் துறை கடிதம் எழுதியுள்து.
இந்த ஆண்டு முற்பகுதியில் நடத்தப்பட்ட சில சோதனைகளின்போது கண்டறியப்பட்ட ஆதாரங்களைச் சுட்டிக்காட்டி, அமலாக்கத்
துறை இந்த கடிதத்தை அனுப்பியுள்ளது. பணமோசடி தடுப்புச் சட்டத்தின் பிரிவு 66(2)-ன்
கீழ் தமிழ்நாடு காவல்துறைத் தலைவருக்கு இந்த
கடிதம் அனுப்ப்ப்பட்டுள்ளது. ஒவ்வொரு பதவிக்கும்
25 லட்ச ரூபாய் முதல் 35 லட்சம் ரூபாய் வரை லஞ்சம் பெற்று குறைந்தது 150 பேருக்காவது
பணி நியமன ஆணை வழங்கப்பட்டிருக்கலாம் என்றும், சில அரசியல்வாதிகளுக்கும், அவர்களுக்கு
நெருக்கமானவர்களுக்கும் இதில் தொடர்பு இருக்கலாம் என்று சந்தேகிப்பதாகவும் இந்த கடிதத்தில்
கூறப்பட்டுள்ளது.
காவல்துறைக்கு அனுப்பப்பட்ட கடித்த்துடன், இந்த மோசடியில் சந்தேகிக்கப்படும்
முக்கிய புள்ளிகள் பற்றிய 232 பக்க ஆவணங்களையும் அமலாக்கத்துறை வழங்கியுள்ளது. பணம்
லஞ்சமாக கொடுத்து வேலை பெற்றிருக்கலாம் என்று சந்தேகிக்கப்படும் 150 பேரின் பட்டியலுடன்
இடைத்தரகர்களாக இருக்கலாம் என்று சந்தேகிக்கப்படுபவர்களின் பட்டியலையும் அமலாக்கத்துறை
கொடுத்துள்ளதாக கூறப்படுகிறது.
இந்த வேலைக்காக 1.12 லட்சம் பேர் கடந்த 2024-ம் ஆண்டு விண்ணப்பித்திருந்த நிலையில் கடந்த ஆகஸ்ட் மாதம்
அதில் 2,358 பேருக்கு தமிழக அரசு பணி நியமன அணை வழங்கி இருந்தது. அமைச்சர் கே.என்.நேருவின்
சகோதரர் ரவிச்சந்திரனுடன் தொடர்புடைய ட்ரூ வேல்யூ ஹோம்ஸ் நிறுவனம் சம்பந்தப்பட்ட வங்கி
மோசடி வழக்கை அமலாக்கத்துறை விசாரித்துகோண்டு இருந்தபோது இந்த விவரங்கள் தெரியவந்ததாக
அமலாக்கத்துறை கூறியுள்ளது.
•
அமைச்சர் நேரு மற்றும் அவரது சகோதரர் வீடுகளில் நடந்த சோதனைகளில்
இது தெரியவந்ததாக அமலாக்கத்துறை கூறியுள்ளது. வேலை வழங்குவதர்காக இடைத்தரகர்கள் மூலம்
ரூபாய் நோட்டுகளாக லஞ்சப் பணம் பெறப்பட்டதாகவும், பின்னர் ஹாவாலா ஏஜெண்டுகள் மூலம்
இவை மாற்றப்பட்டதாகவும் அமலாக்கத்துறை தெரிவித்துள்ளது.
வேலைக்காக பணம்கொடுத்த அனைவரும் வேலை பெற்றதற்கான ஆதாரங்கள் இருப்பதகவும் அமலாக்கத்துறை தெரிவித்துள்ளது.
நகராட்சி நிர்வாகம் மற்றும் குடிநீர் வழங்கல் துறையின் முக்கிய அதிகாரிகளுக்கு இதுபற்றி
முன்கூட்டியே தெரிந்திருப்பதாகவும் அமலாக்கத்துறை கூறியுள்ளது. அரசுத் தேர்வுகள் குறித்த
ரகசியங்கள் தனிநபர்களுக்கு எப்படி தெரியவந்தது என்றும் அமலாக்கத் துறை கேள்வி எழுப்பியுள்ளது.
வரும் தேர்தல் நேரத்தில் பழைய வழக்கை வைத்து செந்தில் பாலாஜியையும்
புதிய வழக்கில் நேருவையும் சிக்க வைத்து சிறைக்கு அனுப்புவதே பாஜக திட்டம் என்கிறார்கள்.
நடக்குமா என்று பார்க்கலாம்.
