விஜய் கட்சியில் செங்கோட்டையன்… என்ன பொறுப்பு தெரியுமா..?

அதிமுக ஒருங்கிணைய வேண்டும் என்று இத்தனை காலமும் காத்திருந்த ஓ.பி.எஸ் புதிய கட்சி தொடங்குவதாக அறிவித்துவிட்டார். அந்த கட்சியில் செங்கோட்டையன் சேர்வார் என்று எதிர்பார்க்கப்பட்ட நிலையில், அவர் விஜய் கட்சியில் சேர்வது உறுதியாகிவிட்டது.

அதிமுக முன்னாள் அமைச்சர் செங்கோட்டையன் அதிமுக ஒருங்கிணைய வேண்டும் எனும் கருத்தை முன்வைத்ததைத் தொடர்ந்து கட்சி பொறுப்புகளில் இருந்து நீக்கப்பட்டார். அதன் பிறகு ஓ. பன்னீர்செல்வம் மற்றும் டிடிவி தினகரனுடன் சேர்ந்து முத்துராமலிங்க தேவர் நினைவிடத்தில் அஞ்சலி செலுத்தியதால் கட்சியைவிட்டு நீக்கப்பட்டார்.

பாஜக தூண்டுதல் பேரில் செயல்பட்ட செங்கோட்டையனுக்கு பன்னீருடன் இணைந்து செல்ல விருப்பம் இல்லை என்பதால் விஜய் கட்சியில் சேர்கிறார். இதற்கான பேச்சுவார்த்தைகள் முடிவுக்கு வந்துவிட்டன. நாளை எம்.எல்.ஏ. பதவியை ராஜினாமா செய்துவிட்டு 27ம் தேதி விஜய் கட்சியில் சேர்கிறார்.

இவருக்கு கட்சியில் முக்கியமான பொறுப்பு கொடுப்பதற்கு பேச்சுவார்த்தை நடத்தப்பட்டு வருகிறார். அவைத்தலைவர் பதவி எதிர்பார்க்கிறார் செங்கோட்டையன். ஆனால், நிர்வாகக்குழு தலைவர் பதவி கொடுப்பதற்கு விஜய் தயாராக இருக்கிறார். எப்படியென்றாலும் கட்சியில் இணைவது உறுதியாகிவிட்டது.

இதனால் கொங்கு பகுதியில் விஜய் கட்சிக்கு செல்வாக்கு அதிகரிக்கும் என்று சொல்லப்படுகிறது. அதேநேரம், அருள்ராஜ்க்கு கட்சியில் இருக்கும் செல்வாக்கை குறைப்பதற்கு ஆதவ் அர்ஜூனா திட்டமிட்டு இந்த செயலை செய்வதாகவும் ஒரு பேச்சு உலவுகிறது.

எம்.ஜி.ஆர்., ஜெயலலிதா என்று புகழ்ந்து பேசியவர் இனி விஜய்யை பாராட்டப் போகிறார். சூப்பர் முன்னேற்றம்.