தி.மு.க.வுக்கு தோல்வி உறுதி…? அதிகரிக்கும் ஆன்லன் போலி வாக்காளர்கள்

தேர்தல் கமிஷன் அவசரம் அவசரமாக. கொண்டுவந்திருக்கும் எஸ்.ஐ.ஆர். திருத்தத்தை உன்னிப்பாகக் கவனித்து படிவங்களைக் கொடுப்பதால் மட்டும் எல்லாம் சரியாக நடந்துவிடும் என்று திமுகவினர் நினைக்கிறார்கள். ஆனால், தேர்தல் கமிஷன் நினைத்தால் எதுவும் செய்யமுடியும் என்று எச்சரிக்கை செய்கிறார்கள்.

இதுகுறித்து பேசுபவர்கள், ‘’சிறப்பான BLA க்கள் மூலம் ஓட்டு திருட்டை தடுத்து விடலாம் என்ற நம்பிக்கையை அனைவருக்கும் ஏற்படுத்துவது SIR இன் முக்கியமான சூழ்ச்சி. ஆனால் BLA க்கள் போலி வாக்காளர்களை நீக்க எந்த வழிமுறையும் SIR இல் இல்லை! பல மில்லியன் போலி வாக்காளர்களை சேர்த்த பிறகு தான் SIR நடத்தப்படுகிறது. உண்மையான வாக்காளர்களிடம் பல கேள்விகள் கேட்கப்படுகிறது BLA க்கள் அலைக்கழிக்கப் படுகிறார்கள். ஆனால் எந்த கவலையும் இல்லாமல் போலி வாக்காளர்கள், வாக்காளர் பட்டியலில் சொகுசாக அமர்ந்து இருக்கிறார்கள். இவர்களை நீக்க எந்த கட்சிகளுக்கும் வழி வகை செய்யப்படுவதில்லை.

போலி வாக்காளர்கள், டூப்ளிகேட் வாக்காளர்களுக்கு form தரப்படுவதும் இல்லை, அவர்கள் அதை நிரப்பி தருவதும் இல்லை. அவர்களிடம் எந்த ஆவணங்களும் கேட்கப்படுவதும் இல்லை. எந்த ஆவணங்களும் இல்லாமல் ஆன்லைனில் மென்பொருள் மூலம் மில்லியன் கணக்கில் ஒவ்வொரு மாநிலத்திலும் நேரடியாக போலி வாக்காளர் விண்ணப்பிக்கப்படுகிறார்கள். அதை தேர்தல் ஆணையம் எந்த கேள்வியும் இல்லாமல் நேரடியாக வாக்காளர் பட்டியலில் சேர்த்து விடுகிறது.

இவர்களை கட்சிகளின் BLA க்கள் கண்டு பிடித்து தந்தால் எந்த BLO வும் கண்டு கொள்வது இல்லை. இதற்கிடையே BLA BLO சேர்ந்து வேலை செய்ய கூடாது என்று கலெக்டர் உத்தரவு வேறு. BLA மக்களிடம் வேலை செய்ய வேண்டுமாம். மக்கள் BLO மக்களிடம் பேச வேண்டுமாம். நிஜ வாக்காளர்கள் பேசுவார்கள். போலி வாக்காளர்கள் எப்படி பேசுவார்கள்?

பேசாத போலி வாக்காளர்கள் அப்படியே வாக்காளர் பட்டியலில் இருந்து விடுகிறார்கள். நிஜ வாக்காளர்கள், வாக்காளர் பட்டியலில் இடம் பெற நாய் போல அலைய வேண்டி இருக்கிறது. SIR மூலம் போலி வாக்காளர்கள் மூலம் தமிழ்நாடு இன்னும் 6 மாதத்தில் பாஜக-அதிமுக ஆட்சிக்கு கீழ் வர போகிறது!

எத்தனை BLAக்கள் எத்தனை APP வைத்து வேலை செய்தாலும் SIR நடப்பதை மாநில அரசு ஒத்துழையாமை மூலம் நிறுத்த வேண்டும். மாபெரும் போராட்டம் மூலம் இதை செய்யாமல் சும்மா கவனமா இருங்க கவனமா இருங்கன்னு சொல்றது வேலைக்கு ஆகாது. யாருடைய வாக்கையும் பறிக்க தேர்தல் ஆணையத்துக்கு உரிமை இல்லை! போலி வாக்காளர்களை வைத்து தேர்தல் நடத்த யாருக்கும் உரிமை இல்லை! அனைத்து கட்சி குழுக்கள் வாக்காளர் பட்டியலை பூத் வாரியாக போலி வாக்காளர்களை நாமே கண்டு பிடிக்க முடியும். அதை நீக்கினால் மட்டுமே தேர்தல் என்று ஒரு பெரும் போராட்டத்தை முன்னெடுக்க முடியும்..’’ என்று எச்சரிக்கை செய்கிறார்கள்.

நீதிமன்றம் தடை போடவில்லை என்றால் திமுகவுக்குத் தோல்வி உறுதி என்றே தெரிகிறது.