விஜய்யுடன் ராகுல்காந்தி பேசிவிட்டார், மாஸ் கூட்டணி உறுதி என்று
தொடர்ந்து விஜய் ரசிகர்கள் கூறிவந்த நிலையில், திமுகவுடன் கூட்டணி பேச்சுவார்த்தை நடத்த
குழுவையே காங்கிரஸ் அமைத்துவிட்டது. இந்நிலையில் நாளை காஞ்சிபுரம் கூட்டம் நடக்குமா,
நடந்தால் என்னாகும் என்ற கேள்விகள் எழுந்துள்ளன.
இன்று காங்கிரஸ் கட்சியின் மூத்த தலைவர் ப.சிதம்பரம், ‘’தமிழ்நாடு
சட்டப் பேரவைத் தேர்தலைக் கருதி திமுக உடன் பேச்சுவார்த்தை நடத்துவதற்கு காங்கிரஸ்
தலைமை ‘ஐந்து உறுப்பினர் குழு’ வை நியமித்திருப்பதை வரவேற்கிறேன் ‘இந்தியா கூட்டணி’
யின் ஒற்றுமையை இந்த அறிவிப்பு வலியுறுத்துகிறது அரசல் புரசலாக அவ்வப்போது வெளியிடப்படும்
செய்திகளுக்கு இந்த அறிவிப்பு முடிவு கட்டும்’’ என்று விஜய் கூட்டணிக்கு குட் பை சொல்லியிருக்கிறார்.
ராகுல்காந்தியுடன் கூட்டணி இல்லை என்பதால் இனி அதிமுக தவிர வேறு
வழியே விஜய்க்கு இல்லை என்பது உறுதியாகிவிட்டது. இந்த நிலையில் நாளை காஞ்சிபுரத்தில்
உள்ளரங்கு கூட்டத்திற்கு அனுமதி கேட்கப்பட்டுள்ளது.
இதுகுறித்து விஜய் ரசிகர்கள், ‘’இனிமேல் தலைவர் விஜய் மாவட்டங்கள்
முழுவதும் உள்ளரங்க கூட்டங்கள் நடத்த உள்ளார். பொதுமக்கள், விவசாயிகள் ஆகியோரை நேரடியாகச்
சந்திக்க திட்டம். நாளை முதல் கூட்டம் காஞ்சீபுரம் மாவட்டத்தில் நடைபெற உள்ளது.
காஞ்சிபுரம் மாவட்டம் சுங்குவார் சத்திரம் பகுதியில் உள்ள தனியார்
கல்லூரி வளாகத்தில் ,தவெக கட்சி தொண்டர்களையும் ,மக்கள் பிரிதிநிதிகளையும் விஜய் சந்திக்கிறார்
விஜய். இந்த சந்திப்புற்கான முழு பாதுகாப்பு ஏற்பாடுகளும் சிறப்பு யூனிபார்ம் அணிந்த,
தவெக மக்கள் பாதுகாப்பு படை, தவெக தொண்டர் பிரிவு படை செய்கிறதாம். இந்த நிகழ்ச்சியில்
சுமார் 2,000 பேர் பங்கேற்பார்கள் என எதிர்பார்க்கப்படுகிறது…’’ என்று குஷியாகியுள்ளனர்.
அதேநேரம் காவல் துறை அனுமதி வழங்குமா என்பது மீண்டும் கேள்விக்குறியாகியுள்ளது.
தவெக கூட்ட அனுமதிக்கு எந்தவித மாற்றமும் கட்டுப்பாடுகளும் இல்லாமல் அப்படியே அனுமதி
வழங்க தயாராக இருப்பதாக காவல் துறை தெரிவிக்கிறது. அதேநேரம், கூட்டத்தில் ஏதேனும் அசம்பாவிதம்
நேர்ந்தால் விஜய்,புஸ்ஸி ஆனந்த் ஆகியோர் தான் முழுப்பொறுப்பு என எழுதிக் கொடுக்க முடியுமா
என்று கேட்கிறார்களாம்.
நிஜமோ, பொய்யோ ஆட்டம் சூடு பிடிக்கிறது.
