கரூரில் சிபிஐ விசாரணை ஆரம்பமாகியிருக்கும் நிலையில், பரப்புரைக்கு
முன்னதாக அங்கே ஒரு பள்ளம் திட்டமிட்டு உருவாக்கப்பட்டருப்பதாக விஜய் ரசிகர்கள் தீவிரமாக
பரப்பிவருகிறார்கள். இது உறுதியானால் திமுகவுக்கு டெபாசிட் கிடைக்காது என்கிறார்கள்.
கடந்த செப்டம்பர் 27 ஆம் தேதி கரூரில் தவெக தலைவர் விஜய் பரப்புரையின்
போது ஏற்பட்ட கூட்ட நெரிசலில் சிக்கி 41 பேர் உயிரிழந்த சம்பவம் தொடர்பாக உச்ச நீதிமன்ற
உத்தரவுப்படி சிபிஐ விசாரணை நடத்தி வருகிறது.
சம்பவம் நடைபெற்ற வேலுச்சாமிபுரத்தில் முப்பரிமாண லேசர் கருவிகள்
மூலம் அளவீடு செய்யப்பட்டது. இதையடுத்து வேலுச்சாமிபுரம் பகுதியில் உள்ள வணிக நிறுவனங்கள்,
கடைகள் மற்றும் உயிரிழந்த 41 குடும்பத்தினர், உறவினர்கள், காயமடைந்தவர்கள் என 306 பேருக்கு
சிபிஐ சம்மன் அனுப்பியது. இதையடுத்து பெட்ரோல்
பங்க், ஜவுளிக்கடை, செல்போன் கடை, மெக்கானிக் ஷாப், கறிக்கடை உரிமையாளர் என 15 பேர்
விசாரணைக்கு ஆஜராகி விளக்கம் அளித்தனர்.
அதேபோன்று விஜய் பிரசாரத்துக்கு வரும் முன், சம்பவ இடம் எப்படி
இருந்தது? அவர் வந்த போது எப்படி இருந்தது என போட்டோ மற்றும் வீடியோக்களை வைத்து அதிகாரிகள்
ஆய்வு செய்துள்ளார்கள். விஜய் பிரசார வேன் வரும் இடத்தில் ஒரு பள்ளம் உள்ளது. அது வேண்டுமென்றே
தோண்டப்பட்டுள்ளதாக சிபிஐ அதிகாரிகள் கருத்து தெரிவித்துள்ளார்களாம்.
அங்கு பள்ளம் எப்படி வந்தது, எதற்காக வந்தது, மற்றும் மரத்தின்
கிளைகள் எப்படி முறிந்தது போன்ற சந்தேகங்களை சிபிஐ திர்த்துவிடும். இதற்குப் பின்னே
திமுகவின் சதி இருப்பது உறுதியானால் திமுகவுக்கு பெரும் சிக்கல் உண்டாகும் என்கிறார்கள்.
அதேநேரம் திமுகவினர், ‘’விஜய் ரசிகர்கள் இன்னமும் கனவுலகத்தில்
வாழ்ந்துவருகிறார்கள். சிபிஐ என்ன சொல்கிறது என்பதல்ல, நீதிமன்றம் என்ன சொல்லும் என்பதே
முக்கியம்’’ என்கிறார்கள்.
