டெல்லி செங்கோட்டை அருகே நேற்று மாலை மாலை கார் ஒன்று திடீரென
தீப்பிடித்து, எரிந்தது. இதன் பின் அந்த கார் வெடித்து சிதறியது. இதில் 13 பேர் உயிர்
இழந்திருப்பதாக சொல்லப்படும் நிலையில், தேர்தல் நேரங்களில் எல்லாம் இதுபோன்ற குண்டு
வெடிப்புகள் நிகழ்வதாக எதிர்க்கட்சிகள் குற்றம் சாட்டுகின்றன.
இந்தியாவில் எதிர்க்கட்சி ஆட்சி புரியும் மாநிலங்களில் சின்னதாக
குண்டுவெடிப்பு ஏற்பட்டாலே என்.ஐ.ஏ., தீவிரவாதத் தாக்குதல் என்று துடிக்கும் பாஜக இப்போது
அமைதியாக இருக்கிறது. இத்தனைக்கும் மத்தியிலும் டெல்லியிலும் பிஜேபி ஆட்சி புரிகிறது.
காவல்துறை முழுக்க உள்துறை அமைச்சகம் கட்டுப்பாட்டில் தான் இயங்குகிறது.
எனவே எதிர்க்கட்சிகள், ‘’ஆளும் பாஜகவுக்கு புல்வாமா தாக்குதலை
தடுக்கத் துப்பில்லை. பஹல்காம் தாக்குதலை தடுக்கத் துப்பில்லை. மணிப்பூர் கலவரத்தை
தடுக்கத் துப்பில்லை. பார்லிமெண்டைப் பாதுகாக்கத் துப்பில்லை. தற்போது தலைநகர் டெல்லி
அதுவும் செங்கோட்டையை கண்காணிக்கத் துப்பில்லை. பின் எதற்காக அந்த பதவி? மக்கள் உயிரை
காக்காத மைனாரிட்டி ஒன்றிய பாஜக அரசின் உள்துறை அமைச்சர் அமித்ஷா, பிரதமர் மோடி உடனடியாக
ராஜினாமா செய்ய வேண்டும்’’ என்று கோரிக்கை வைக்கின்றன.
இதுகுறித்து திருமாவளவன், ‘’நாட்டின் தலைநகரிலேயே, அதுவும் அதிஉயர்
பாதுகாப்பு வளையத்துக்குட்பட்ட பகுதியிலேயே காரில் வெடிமருந்தை நிரப்பிக்கொண்டு எப்படி
ஊடுருவமுடிந்தது? உள்துறை மற்றும் உளவுத்துறை ஆகியவற்றைத் தனது கட்டுப்பாட்டில் வைத்துள்ள
‘மோடி-அமித்ஷா-அம்பானி’ கூட்டணி தானே இதற்கு பொறுப்பேற்கவேண்டும்?
பீகார் சட்டமன்றப் பொதுத்தேர்தலின் இரண்டாம் கட்ட வாக்குப பதிவுக்கு
முதல் நாளில் இப்படி நடந்திருப்பதால் இதனை அத்தேர்லோடு முடிச்சுப்போட்டுப் பார்க்கும்
நிலை உருவாகிறது. ஏற்கனவே இப்படிப்பட்ட பயங்கரவாத நடவடிக்கைகள் தேர்தல் காலங்களில்
நடந்தேறியுள்ளன…’’ என்று சந்தேகம் எழுப்புகிறார்.
நியாயமான சந்தேகம்தான்.
